दाहाल–नेपाल नेतृत्वको नेकपाले बुझायो सीडीओमार्फत प्रधानमन्त्रीलाई विरोधपत्र

प्रतिनिधिसभा विघटनविरुद्ध दोस्रो चरणको आन्दोलनअन्तर्गत शुक्रबार यो समूहले ७७ वटै जिल्लाका प्रमुख जिल्ला अधिकारी (सीडीओ) मार्फत प्रधानमन्त्री केपी शर्मा ओलीलाई विरोधपत्र र संविधानको पुस्तक बुझाएका हुन् ।

विरोधपत्रमा प्रधानमन्त्रीले राष्ट्रका नाममा क्षमायाचनासहित गलत कदम सच्चाउन अनुरोध गरेका छन् ।

^{बर्दियाको सदरमुकाम गुलरियामा नेकपा दाहाल र नेपाल समूहले सरकारविरुद्ध नाराबाजी गर्दै । तस्बिर : कमल पन्थी/कान्तिपुर}

प्रधानमन्त्री ओलीले संसद् विघटन गरेपछि दाहाल–नेपाल नेतृत्वको नेकपाले त्यसको विरोधमा पहिलो चरणको आन्दोलन सकेर दोस्रो चरणको आन्दोलन घोषणा गरेको छ ।