२४ घण्टामा ४०९ जनामा कोरोना पुष्टि, ६ को मृत्यु- समाचार - कान्तिपुर समाचार
कान्तिपुर वेबसाईट
AdvertisementAdvertisement

२४ घण्टामा ४०९ जनामा कोरोना पुष्टि, ६ को मृत्यु

कान्तिपुर संवाददाता

काठमाडौँ — पछिल्लो २४ घण्टामा देशभर ४०९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ । संक्रमित हुनेमा १४४ जना महिला र २६५ जना पुरुष रहेका छन् ।

२४ घण्टामा ६ हजार ७०६ पीसीआर परीक्षण भएको छ भने हालसम्म १९ लाख ६४ हजार १६० पीसीआर परीक्षण भएका छन् । यो सँगै देशभर संक्रमितको कुल संख्या २ लाख ६३ हजार १९३ पुगेको छ । सक्रिय संक्रमितको संख्या ५ हजार १३३ छ भने क्वारेन्टाइनमा ३४२ जना रहेका छन् ।

त्यसैगरी २४ घण्टामा ४९५ जना निको भइ डिस्चार्ज भएका छन् । यो सँगै कोरोनाबाट निको हुनेको संख्या २ लाख ५६ हजार १६१ पुगेको छ ।

२४ घण्टामा कोरोनाबाट ६ को मृत्यु भएको छ र हालसम्म कोरोनाबाट ज्यान गुमाउनेको संख्या १ हजार ८९९ रहेको छ ।

यस्तै काठमाडौं उपत्यकामा २३३ जना कोरोना संक्रमित थपिएका छन् । २४ घण्टामा संक्रमित हुनेमा ७२ महिला र १६१ जना पुरुष रहेका छन् ।

काठमाडौंमा १५९, ललितपुरमा ५० र भक्तपुरमा २४ जना कोरोना संक्रमित देखिएका छन् ।

प्रकाशित : पुस २२, २०७७ १६:२५
प्रतिक्रिया
पठाउनुहोस्

घरको रेलिङ बनाउने क्रममा खसेर मजदुरको मृत्यु

कान्तिपुर संवाददाता

भक्तपुर — सूर्यविनायक नगरपालिका–६ पाण्डुबजार हाईटमा घरको रेलिङ बनाउने क्रममा खसेर एक मजदुरको मृत्यु भएको छ । स्थानीय गोविन्द राजकर्णिकारको साढे २ तला पक्की घरको दोस्रो तलामा स्टिलको रेलिङ हाल्ने क्रममा खसेर सुर्यविनायक–५ का ४० वर्षीय ईश्वर कार्कीको मृत्यु भएको प्रहरीले जनाएको छ । 

घरको दोस्रो तलाबाट खसेर सख्त घाइते भएका कार्कीलाई उपचारका लागि मध्यपुर अस्पताल नयाँथिमी पुर्‍याइएको र सम्बन्धित चिकित्सकले मृत्यु घोषणा गरेको महानगरीय प्रहरी परिसर भक्तपुरका प्रवक्ता डीएसपी दिपक गिरीले बताए । प्रहरीका अनुसार रामेछाप मन्थली नगरपालिका–९ फुलासी घरभई सूर्यविनायक बस्ने राजन खड्काले उक्त घरको रेलिङको ठेक्का लिई मृतक कार्कीलाई काम लगाएका थिए ।


प्रकाशित : पुस २२, २०७७ १६:१८
पूरा पढ्नुहोस्
प्रतिक्रिया
पठाउनुहोस्
×