कार दुर्घटनामा पूर्वराज्यमन्त्री शाहसहित ५ जना घाइते

प्रहरी उपरीक्षक केदार रोजौरेका अनुसार कार पल्टिँदा पूर्वराज्यमन्त्री विनोदकुमार शाह, लक्ष्मी शाह, पदमबहादुर शाही, सूर्यबहादुर शाही र कार चालक विनय भण्डारी घाइते भएका छन् ।

पूर्वराज्यमन्त्री शाहको अवस्था गम्भिर रहेको छ । घाइतेमध्ये अन्य चार जनाको अवस्था सामान्य रहेको प्रहरी उपरीक्षक रोजौरेले जनाए । चालक भण्डारीको कोहलपुरस्थित शिक्षण अस्पताल र ४ जनाको नेपालगन्जस्थित शिक्षण अस्पतालमा उपचार भइरहेको प्रहरीले जनाएको छ ।

कार सडकदेखि करिब ६० मिटर तल खसेको थियो । उक्त घटना सदरमुकाम गुलरियादेखि करिब ६० किमी पूर्व उत्तर रत्न राजमार्गमा भएको हो ।