सीता दाहाललाई उपचारका लागि मुम्बई लगियो- समाचार - कान्तिपुर समाचार
कान्तिपुर वेबसाईट
AdvertisementAdvertisement

सीता दाहाललाई उपचारका लागि मुम्बई लगियो

नेकपा अध्यक्ष पुष्पकमल दाहाल र छोरी गंगा पनि साथमा
कान्तिपुर संवाददाता

काठमाडौँ — नेकपा अध्यक्ष पुष्पकमल दाहालकी पत्नी सीता दाहाललाई थप उपचारका लागि भारतको मुम्बई लगिएको छ । उनलाई सोमबार बिहान ११ : २० बजेको नेपाल एयरलाइन्सको विमानबाट दिल्ली लगिएको हो ।

काठमाडौंबाट मुम्बईका लागि सिधा उडान नभएकाले दिल्ली हुँदै उनलाई मुम्बई लगिँदैछ ।

सीताको उपचारका लागि अध्यक्ष दाहाल र छोरी गंगा दाहाल पनि मुम्बई गएका छन् । अध्यक्ष दाहालका प्रेस संयोजक विष्णु सापकोटाका अनुसार सीताको उपचार न्युरोजेन ब्रेन एण्ड स्पाइन इन्सटिच्युट, मुम्बईमा हुन छ ।

सीता दाहाल लामो समयदेखि वंशानुगत पार्किन्सन जस्तो देखिने रोगबाट पीडित छिन् ।

गत बुधबार उनको स्वास्थ्यमा थप समस्था देखिएपछि उनलाई मेडिसिटी अस्पतालमा उपचार गरिएको थियो । यसअघि सीताको उपचार अमेरिका, सिंगापुर र भारतमा पनि भएको थियो ।

प्रकाशित : पुस २०, २०७७ १२:०८
प्रतिक्रिया
पठाउनुहोस्

स्रोत नखुलेको करिब डेढ करोड रुपैयाँसहित नागढुंगाबाट भारतीय नागरिक पक्राउ

कान्तिपुर संवाददाता

काठमाडौँ — थानकोट प्रहरीले एक जना भारतीय नागरिकको साथबाट १ करोड ४७ लाख रुपैयाँ नगद बरामद गरेको छ ।

भारतीय नागरिक ३० वर्षीय अमितकुमार गुप्तालाई कपिलवस्तुबाट काठमाडौं आउने क्रममा नागढुंगाबाट पक्राउ गरिएको हो । उनी सवार गाडी चालक नेपाली नागरिक २२ वर्षीय संगम थारुलाई पनि पक्राउ गरिएको छ । गाडीमा राखिएको झोला खानतलासी गर्दा स्रोत नखुलेको उक्त रकम भेटिएको काठमाडौं प्रहरी स्रोतले जनाएको छ ।

दुवै जनालाई दिउँसो पत्रकार सम्मेलन गरी सार्वजनिक गरिने प्रहरीको तयारी छ ।

प्रकाशित : पुस २०, २०७७ ११:४१
पूरा पढ्नुहोस्
प्रतिक्रिया
पठाउनुहोस्
×