जसपा र नेकपा एकीकृत मार्क्सवादी एकीकरण
काठमाडौँ — जनता समाजवादी पार्टी र नेपाल कम्युनिष्ट पार्टी (एकीकृत मार्क्सवादी) पार्टीबीच एकता घोषणा भएको छ । शुक्रबार दुवै पार्टीका शीर्ष नेताहरुको उपस्थितिमा ललितपुरमा एक कार्यक्रम गरी एकता घोषणा भएको हो ।
एकता घोषणा कार्यक्रममा बोल्दै नेताहरुले नेपालमा लामो समयदेखिको लोकतान्त्रिक आन्दोलनमा श्रमजीवी जनता र उत्पीडित, राष्ट्रियता, महिला र शिल्पी समुदायको मुक्ति आन्दोलनलाई एकताले शक्ति प्रदान गर्ने बताएका छन् । जसपा अध्यक्ष महन्थ ठाकुरले देशमा भइरहेका विभिन्न विभेदको अन्त्य गर्न र राज्यको सबै निकायहरुमा समान प्रतिनिधित्व गराउन जसपाले संघर्ष गरिरहेको बताए ।
वरिष्ठ नेता राजेन्द्र महतोले देशमा जुन राजनीतिक प्रणाली आए पनि पछि पारिएका समुदायले शासनमा आफ्नो अनुभूति पाउन नसकेका कारण विकल्पमा जसपा चाहिएको बताए ।
प्रकाशित : पुस १७, २०७७ १९:०५