सीता दाहालको स्वास्थ्य अवस्था बुझ्न ओली समूहका पौडेल र नेम्बाङ अस्पताल पुगे
काठमाडौँ — नेकपाका अध्यक्ष पुष्पकमल दाहालकी पत्नी सीता दाहालको स्वास्थ्य अवस्था बुझ्न ओली समूहका महासचिव विष्णु पौडेल र स्थायी कमिटी सदस्य सुवास नेम्बाङ मेडिसिटी अस्पताल पुगेका छन् ।
पौडेलका स्वकीय सचिव याम पाण्डेका नेताहरुले बुधबार साँझ दाहालको अवस्था बुझेर स्वास्थ्य लाभको कामना गरेका थिए । उनीहरुले प्रधानमन्त्री केपी शर्मा ओलीकातर्फबाट पनि स्वास्थ्य लाभको सन्देश दिएका थिए ।
यसैबीच, प्रधानमन्त्री ओलीले पुष्पकमल दाहाललाई फोन गरेर पत्नी सीता दाहालको स्वास्थ्य अवस्था बुझेका छन् । उनले सीता दाहालको स्वास्थ्य लाभको कामना समेत गरेको पाण्डेले बताए ।
यो पनि पढ्नुहोस्ः
दाहाल पत्नी सीता अस्पताल भर्ना
प्रकाशित : पुस १५, २०७७ २०:२८प्रतिक्रिया