दाहालको कार्यकारी अधिकार बदर गर्ने ओलीपक्षीय केन्द्रीय समितिको निर्णय

ओली पक्षले बिहीबार नै विधानमा पनि प्रथम अध्यक्ष (ओली) मात्रै हस्ताक्षर चल्ने गरी संशोधन गरी निर्वाचन आयोगमा दर्ता गरिसकेको छ ।

यस्तै बैठकले सातै प्रदेशमा पार्टी समन्वय गर्ने जिम्मेवारी पनि तोकेको छ । जसअनुसार सुदूरपश्चिम संयोजक लेखराज भट्ट, कर्णालीमा मणि थापा, लुम्बिनीमा शंकर पोखरेल, गण्डकीमा पृथ्वीसुब्बा गुरुङ, वागमतीमा ईश्वर पोखरेल, प्रदेश २ मा सत्यनारायण मण्डल र प्रदेश १ मा सुवास नेम्वाङलाई संयोजक तोकिएको छ । जनसंगठनको संयोजनको जिम्मेवारी टोपबहादुर रायमाझीलाई र उपत्यकाको जिम्मेवारी कृष्णगोपाल श्रेष्ठलाई दिइएको बैठकपछि महासचिव विष्णु पौडेलले जानकारी दिए ।