भोलि विरोधको कार्यक्रम ल्याउँछौं : सहमहामन्त्री महत

मंगलबारबाट सुरु भएको केन्द्रीय समितिमा देउवा पक्षीय नेताले भने आन्दोलनमा नगई चुनावमा जानुपर्ने र कांग्रेसलाई आएको अवसरको उपयोग गर्नुपर्ने बताएका छन् ।

सहमहामन्त्री महतले भने आन्दोलनको पक्ष र विपक्षमा देखाएर कांग्रेसमा फुट ल्याउने कोसिस गरिएको दावी गरे । 'पार्टीमा छलफल त हुन्छन् नि । त्यसो भन्दैमा हामीमा विभाजन छ भन्ने होइन । विभाजन ल्याउने कोसिस गरिँदैछ त्यो सफल हुँदैन । हामी संसद विघटनको विरोधमा छौं । हामी भोलि नै विरोधको कार्यक्रम घोषणा गर्दैछौं,' महतले कान्तिपुरसँग भने । उनले आन्दोलनका पूर्ण कार्यक्रमपछि घोषणा गरिए पनि बिहीबारको बैठकले देशभर प्रदर्शनका लागि एक दिने कार्यक्रम घोषणा गर्ने बताए ।

यो पनि पढ्नुहोस् :

आन्दोलनमा जाने कि नजाने भन्ने बिषयमा केन्द्रीय समितिमा देउवा र पौडेलको चर्काचर्की

कांग्रेस केन्द्रीय समितिले पुस १६ गतेलाई राष्ट्रीय एकता तथा मेलमिलाप दिवसका दिन मनाउने निर्णय पनि गरेको छ । सभापति देउवाले पुस १६ मै विरोध गर्ने कार्यक्रम ल्याउने बताएका थिए । तर केन्द्रीय गुरु घिमिरे लगायतले मेलमिलाप दिवसका दिन विरोध कार्यक्रम गर्न नहुने बताएका थिए ।