काठमाडौँ — प्रधानमन्त्री एवं नेकपा अध्यक्ष केपी शर्मा ओली पक्षले बिस्तारित केन्द्रीय समितिको सूची निर्वाचन आयोगमा दर्ता गराएको छ । 'नेकपाको केन्द्री समिति पुनर्गठन भएको सूचना आएको छ । थप गरिएका सदस्यको सूची आयोगमा दर्ता भएको छ,' प्रमुख निर्वाचन आयुक्त दिनेशकुमार थपलियाले कान्तिपुरलाई बताए ।
आयोगमा अधिवक्ता बाबुराम दाहालले सूची दर्ता गराएका हुन् । मंगलबार बालुवाटारमा बसेको ओली पक्षको बैठकले ५५६ जनालाई केन्द्रीय सदस्य थप गरेको हो ।