कम्युनिस्ट सरकारले कात्रोमा पनि भ्रष्टाचार गर्‍यो : कांग्रेस प्रवक्ता 

उनले कोरोना माहामारीका बेला औषधि खरिदमा पनि सरकार भ्रष्टाचारमा लिप्त भएको बताए । पार्टी वरिष्ठ नेता रामचन्द्र पौडेललाई तनहुँमा गरिएको दुर्व्यवहारले सरकार सर्वसत्तावाद लागू गरेको बताउँदै कांग्रेस चुप लागेर नबस्ने बताए । 'प्रश्‍न पुलको मात्रै हैन । कांग्रेस सरकारको बेला पनि कम्यनिष्ट नेताहरुले पुलको उद्घाटन गरेका थिए,' प्रवक्ता शर्माले भने,'नगरपालिकामा कांग्रेसले जितेको हो । विषय पुल र उद्घाटन हैन, कांग्रेसले बोलाएर रामचन्द्र पौडेल जानु भयो ।'

प्रवक्ता शर्माले सत्तारुढ पार्टी र उक्त पार्टीका नेताहरुभन्दा जेठो भएकाले कम नआँक्न चेतावनी दिए । 'कांग्रेस बन्दुक उठाउनेमा पनि जेठो हो,' प्रवक्ता शर्माले भने,'माओवादीले रोल्पा र मकवानपुरमा प्रहरी चौकीमा आक्रमण गरेको जस्तो हैन,कांग्रेस सिधै महाराजधिराज महेन्द्र चढेको मोटरमा बम प्रहार गरेको पार्टी हो । '

प्रवक्ता शर्माले कांग्रेस कम्युनिष्ट पार्टीहरुले जसरी विद्यालयका शिक्षकलाई अपहरण गरेर हत्या गर्ने पार्टी नभएर आकाशमा उड्ने प्लेनलाई अपहरण गरेको पार्टी भएकाले कम नआँक्न चेतावनी दिए ।