सप्तरीमा माछा मार्ने विवादमा झडप, एक जनाको मृत्यु

झडपमा चार जना घाइते भएकोमा एक जनाको अवस्था गम्भीर रहेको जिल्ला प्रहरी कार्यालयका डीएसपी भुवनेश्वर साहले जानकारी दिए ।

उनका अनुसार सार्वजनिक पोखरीमा माछा मार्ने विषयमा आइतबार दिउँसो स्थानीयबीच विवाद भएको थियो । विवाद बढ्दै जाँदा राति १० बजे झडप भएको हो । दुवै पक्ष बन्चरो, भाटालगायत सामग्री बोकेर झडपमा उत्रिएको डीएसपी साहले बताए । घटनामा संलग्न भएको आरोपमा प्रहरीले चार जनालाई नियन्त्रणमा लिएको र थप अनुसन्धान भइरहेको उनले जानकारी दिए ।