बाँकेको बनियाँ गाउँमा दुई समूहबीच झडप हुँदा एकको मृत्यु, ५ जना घाइते- समाचार - कान्तिपुर समाचार
कान्तिपुर वेबसाईट
AdvertisementAdvertisement

बाँकेको बनियाँ गाउँमा दुई समूहबीच झडप हुँदा एकको मृत्यु, ५ जना घाइते

इकान्तिपुर डेस्क

काठमाडौँ — बाँकेको जानकी गाउँपालिका-५ बनियाँ गाउँमा सोमबार साँझ दुई समूहबीच झडप हुँदा एक जनाको मृत्यु भएको छ । झपडमा परी पाँच जना घाइते भएका छन् ।

स्थानीय बाबुलाल यादव र रामनरेश गुप्ता समूहबीच झडप हुँदा ५४ वर्षीय धनिराम यादवको मृत्यु भएको बाँकेका एसपी ओम रानाले इकान्तिपुरलाई बताए । मृतक यादवको टाउकोमा चोट लागेको उनले बताए ।

झडपमा परी पञ्चराम यादव, मुन्ना खटिक, रामनारायण गुप्ता, मनदेवी काँदु, पर्वत काँदु घाइते भएको एसपी रानाले बताए । उनीहरुको नर्सिङ अस्पताल नेपालगन्जमा उपचार भइरहेको छ ।

घटनामा संलग्न ६ जनालाई प्रहरीले नियन्त्रणमा लिएको छ । अन्यको खोजी भइरहेको जिल्ला प्रहरी कार्यालय बाँकेले जनाएको छ । बाबुलाल यादव र रामनरेश यादवबीच पुरानाे रिसइबी रहेकाे प्रहरीले बताएकाे छ ।

हरेक वर्ष पूर्णिमाका दिन लाग्ने गुरुवा गाउँ मेलामा बाबुलाल यादवको समूहले नरेश गुप्तालाई कुटपिट गरेको थियो । यादव समूहबाट कुटपिट भएपछि गुप्ताले आफ्ना समूह ल्याएर पुनः विवाद गर्दा दुवै पक्षबीच झडप भएको एसपी रानाले जानकारी दिए ।

घटनास्थलमा डीएसपीको कमान्डमा ९१ जना नेपाल प्रहरी र २५ जना सशस्त्र प्रहरीको परिचालन गरिएको बाँके प्रहरीले जनाएको छ ।

प्रकाशित : मंसिर १५, २०७७ २१:२०
प्रतिक्रिया
पठाउनुहोस्

सुनको भाउ घट्यो, तोलाको ९० हजार रुपैयाँ

इकान्तिपुर डेस्क

काठमाडौँ — नेपाली बजारमा सुनको भाउ लगातार ओरालो लागेको छ । आइतबारको तुलनामा सोमबार सुनको भाउ तोलामा ७ सय रुपैयाँले  घटेको छ ।

आइतबार प्रतितोला ९० हजार ७ सय रुपैयाँ मूल्य कायम भएको छापावाल सुनको भाउ सोमबार भने ९० हजार रुपैयाँमा झरेको नेपाल सुनचाँदी व्यवसायी महासंघले जनाएको छ ।

त्यस्तै सोमबार तेजाबी सुन प्रतितोला ८९ हजार ५ सय ५० रुपैयाँमा कारोबार भइरहेको महासंघले जनाएको छ । आइतबार भने तेजाबी सुन प्रतितोला ९० हजार २ सय रुपैयाँमा कारोबार भएको थियो ।

आइतबारको तुलनामा सोमबार चाँदीको भाउ पनि प्रतितोला ३० रुपैयाँले घटेको छ । आइतबार प्रतितोला १ हजार १ सय ५० रुपैयाँ कायम भएको चाँदीको भाउ मंगलबार १ हजार १ सय २० रुपैयाँमा झरेको छ ।

यसअघि कात्तिक २५ गते नेपाली बजारमा एकैदिन सुनको भाउ प्रतितोला ३ हजार रुपैयाँभन्दा बढीले घटेको थियो । कात्तिक २४ गते प्रतितोला ९८ हजार २ सय रुपैयाँ मूल्य कायम भएको छापावाल सुनको भाउ कात्तिक भने ९४ हजार ८ सय रुपैयाँमा झरेको थियो ।

नेपालमा यसअघि साउन २३ गते सुनको भाउ अहिलेसम्मकै उच्च प्रतितोला १ लाख ३ हजार ५ रुपैयाँ पुगेको थियो ।

प्रकाशित : मंसिर १५, २०७७ १३:५७
पूरा पढ्नुहोस्
प्रतिक्रिया
पठाउनुहोस्
×