बर्दिवास तनावग्रस्त : निषेधाज्ञा तोड्दै प्रदर्शनकारी सडकमा, २ प्रहरी घाइते- समाचार - कान्तिपुर समाचार
कान्तिपुर वेबसाईट
AdvertisementAdvertisement

बर्दिवास तनावग्रस्त : निषेधाज्ञा तोड्दै प्रदर्शनकारी सडकमा, २ प्रहरी घाइते

सुनिता बराल

महोत्तरी — बालिकाको बलात्कारपछि हत्या गरिएको भन्दै प्रदर्शन चर्किएपछि महोत्तरी प्रशासनले बर्दिबास नगरक्षेत्रमा गरेको निषेधाज्ञा तोड्दै प्रदर्शनमा उत्रिएका स्थानीयवासीले प्रहरीलाई ढुंगामुढा गरेका छन् । प्रदर्शनकारीको आक्रमणमा परि २ जना प्रहरी घाइते भएका छन् । 

प्रहरी जवान अर्जुन प्रसाद बानियाँको बियरको बोतलले लागि चिउडोमा काटेको र अर्का एक प्रहरीको घुँडामा चोट लागेको छ । उनीहरुको उपचारका लागि अस्पताल पठाइएको इलाका प्रहरी कार्यालय बर्दिवासका डीएसपी राजन चापागाईंले जानकारी दिए ।

निषेधाज्ञाको समय प्रदर्शन र नाराबाजी गरेको भन्दै प्रहरीले अश्रु ग्यास प्रहार गरेपछि स्थानीयले प्रहरीलाई ढुंगा र खाली बियरका बोतलले प्रहार गरेका छन् ।

स्थिती असामान्य बनेपछि प्रहरीले निरन्तर अश्रु ग्यास प्रहार गरिरहेको छ भने प्रदर्शनकारीहरु नारा र जुलुस लगाउँदै सडकमा उत्रिएका छन् ।

प्रदर्शनका क्रममा मंगलबार प्रहरीको गोली लागि घाइते भएका सञ्जय न्यौपानेको ज्यान गएपछि स्थिती झन् जटिल बनेको हो । मृतक सञ्जयलाई शहिद घोषणा गर्नुपर्ने, पीडित र घाइतेलाई उपचार गर्दै क्षतिपूर्ति तिर्नुपर्ने र बालिकाका हत्यारालाई कडा कारबाही गर्नुपर्ने सर्वपक्षिय मागसहित बर्दिवासमा आन्दोलन चर्किएको हो ।

बुधबार बिहान ९ बजेदेखि बिहीबार बिहान ६ बजेसम्म प्रशासनले निषेधाज्ञा लगाएको भएपनि प्रदर्शनकारीले त्यसको अवज्ञा गर्दै आफ्नो माग सम्बोधन हुनुपर्ने भन्दै नाराबाजी गरिरहेका छन् ।

प्रकाशित : मंसिर १०, २०७७ १७:१४
प्रतिक्रिया
पठाउनुहोस्

दाङकी कोरोना संक्रमित वृद्धाको बाँकेमा मृत्यु

रुपा गहतराज

बाँके — कोरोना संक्रमणबाट बाँकेमा एक वृद्धाको मृत्यु भएको छ । तुलसीपुर उपमहानगरपालिका-६ दाङकी ७७ वर्षीया वृद्धाको मंगलबार राति १२:१५ बजे मृत्यु भएको हो ।

तस्बिरः सटरस्टक ।

उनलाई मंसिर ५ गते नेपालगन्ज शिक्षण अस्पताल कोहलपुरमा भर्ना गरिएको थियो । मंसिर ६ गते कोरोना संक्रमण पुष्टि भएपछि रोगको प्रकृति अनुसार उपचार विधि अपनाउँदै आएपनि ती महिलाको उपचारकै क्रममा मृत्यु भएको जिल्ला कोभिड–१९ संकट व्यवस्थापन केन्द्र बाँकेले जनाएको छ ।

यसअघि बाँकेमै उपचारका क्रममा विभिन्न जिल्लाका ४८ जना कोरोना संक्रमितले ज्यान गुमाइसकेका छन् । योसँगै बाहिरी जिल्लाबाट बाँके आएर ज्यान गुमाउनेको संख्या ४९ पुगेको केन्द्रले जनाएको छ ।

प्रकाशित : मंसिर १०, २०७७ १६:५८
पूरा पढ्नुहोस्
प्रतिक्रिया
पठाउनुहोस्
×