२४ घण्टामा ५ हजार ६९९ कोरोनामुक्त, १६ जनाको मृत्यु- समाचार - कान्तिपुर समाचार
कान्तिपुर वेबसाईट
AdvertisementAdvertisement

२४ घण्टामा ५ हजार ६९९ कोरोनामुक्त, १६ जनाको मृत्यु

कान्तिपुर संवाददाता

काठमाडौँ — थप ५ हजार ६९९ जना कोरोना संक्रमणबाट निको भएर डिस्चार्ज भएका छन् । 

स्वास्थ्य तथा जनसंख्या मन्त्रालयका अनुसार २४ घण्टामा मुलुकभरबाट थप ५ हजार ६९९ जना कोरोना संक्रमण निको भएर घर फर्किएका हुन् ।

नेपालमा यो सँगै निको हुनेको १ लाख ९९ हजार २४ संख्या पुगेको छ ।

त्यसका साथै २४ घण्टामा कोरोना संक्रमणबाट १६ जनाको मृत्यु भएको मन्त्रालयका प्रवक्ता डा जागेश्वर गौतमले जानकारी दिए ।

हालसम्म नेपालमा कोरोनाबाट मृत्यु हुनेको संख्या १ हजार ३२१ पुगेको छ ।

पछिल्लो २४ घण्टामा आइतबार संक्रमित भने १ हजार ६६९ जना थपिएका छन् । हालसम्म नेपालमा संक्रमितको संख्या २ लाख २० हजार ३०८ पुगेको बताए ।

मन्त्रालयका अनुसार हालसम्म पीसीआर विधिबाट १६ लाख ६० हजार ७५ परीक्षणहरु गरिएका छन् । २४ घण्टामा जम्मा ८ हजार ३२ पीसीआर परीक्षण भएका छन् । देशभरी सकृय संक्रमितको संख्या हालसम्म १९ हजार ९६३ छ भने हालसम्म क्वारेन्टाइनमा रहनेको संख्या ६८६ जना रहेका छन् ।

प्रकाशित : मंसिर ७, २०७७ १६:३६
प्रतिक्रिया
पठाउनुहोस्

मोटरसाइकल दुर्घटनामा प्रहरी हवल्दारको मृत्यु

शिव पुरी

रौतहट — मोटरसाइकल दुर्घटनामा परि जिल्ला एक प्रहरी हवल्दारको मृत्यु भएको छ ।

बौधिमाई नगरपालिका–९ स्थित सडकमा शनिबार राति प्रहरी हवल्दार प्रवीण सिंहले चलाएको ना ६ प ७४२२ नम्बरको मोटरसाइकल अनियन्त्रित भइ दुर्घटना हुँदा उनको मृत्यु भएको जिल्ला प्रहरी कार्यालयले जनाएको छ ।

उनीसँगै मोटरसाइकलमा सवार स्थानीय राकेश सिंह घाइते भएका छन् । उनको नेशनल मेडिकल कलेज वीरगन्जमा उपचार भइरहेको जिल्ला प्रहरी प्रवक्ता डीएसपी भरत श्रेष्ठले बताए ।

दुर्घटनामा गम्भीर घाइते हवल्दार सिंहलाई उपचारका लागि जिल्ला अस्पताल गौरतर्फ लैजाने क्रममा बाटोमै मृत्यु भएको थियो ।

महानगरीय प्रहरी परिसर टेकुमा कार्यरत हवल्दार सिंह घर बिदामा रौतहट आएका थिए ।

प्रकाशित : मंसिर ७, २०७७ १६:३०
पूरा पढ्नुहोस्
प्रतिक्रिया
पठाउनुहोस्
×