पूर्वराज्यमन्त्री ओमकारप्रसाद गौचनको बुधबार निधन भएको छ । ८५ वर्षीय गौचनको राजधानीस्थित दीर्घायु अस्पतालमा निधन भएको बागलुङ कल्याण समाज काठमाडौंका अध्यक्ष विराटकुमार श्रेष्ठले जानकारी दिए ।
पूर्वउपप्रधानमन्त्री तथा राष्ट्रिय जनमोर्चाका अध्यक्ष चित्रबहादुर केसीलाई कोरोना संक्रमण पुष्टि भएको छ । केहीदिनदेखि केसीको स्वास्थ्यमा समस्या देखिएपछि पीसीआर परीक्षणमा बुधबार रिपोर्ट पोजिटिभ आएको हो ।
नगरकोटको मुख्य सडक विस्तारका नाममा ठेकेदार कम्पनीले अलपत्र छोडेको भन्दै स्थानीय विरोधमा उत्रिएका छन् । सडक विस्तारको ठेक्का लिएको शैलुङ कन्स्ट्रक्सन प्रालि र आरामाली–इन्फ्रा पावर लिमिटेड (एआईपीएल) जेभीको लापरबाहीका कारण सडक थप जीर्ण बनेको भन्दै उनीहरूले विरोध गरेका हुन् ।
प्रधानमन्त्री केपी शर्मा ओलीले आफू रहरले नभई जनताले छानेर पठाएकाले प्रधानमन्त्री भएको बताएका छन् । उनले यति बेला सरकार र पार्टीको नेतृत्व परिवर्तनको कुरा हल्ला मात्रै भएकोसमेत बताए ।
सरकारले किजा पूजाको अवसरमा मंसिर २ गते सार्वजनिक बिदा दिने निर्णय गरेको छ । मन्त्रिपरिषद्को कात्तिक २४ गते बसेको बैठकले किजा पूजाको अवसरमा सार्वजनिक बिदा दिने निर्णय गरेको हो ।
चीनको तिब्बतसँग जोडिएको बझाङको सीमामा सुरक्षा व्यवस्था नहुँदा तस्करी बढेको भन्दै प्रतिनिधिसभा सदस्य आशा विकले गृह मन्त्रालयको ध्यानाकर्षण गराएकी छन् । यथाशीघ्र सीमामा सुरक्षा निकायको उपस्थिति हुने वातावरण मिलाउन गृह मन्त्रालयलाई सांसद विकले अनुरोध गरेकी हुन् ।
कांग्रेस केन्द्रीय कार्यसमिति बैठक फेरि २८ गते शुक्रबारका लागि सारिएको छ । पार्टी कार्यालयका मुख्य सचिव कृष्णप्रसाद पौडेलले बुधबार विज्ञप्ति जारी गर्दै केन्द्रीय कार्यसमिति बैठक पर्सि २८ गते बस्ने जानकारी गराएका हुन् । यसअघि बैठक बिहीबार दिउँसो १ बजेका लागि तय गरिएको थियो ।
पछिल्लो २४ घण्टामा काठमाडौं उपत्यकामा थप १ हजार २ सय ६१ कोरोना संक्रमित देखिएको स्वास्थ्य तथा जनसंख्या मन्त्रालयले जनाएको छ । बुधबार संक्रमित पुष्टि हुनेमा ५२८ महिला र ७३३ पुरुष रहेका छन् ।
नेपालमा कोरोना संक्रमितको संख्या २ लाख नाघेकाे छ । पछिल्लो २४ घन्टामा नेपालमा थप २५ सय ६९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
धरान उपमहानगरपालिका–१४ विजयपुरमा कोरोनाले दुई दिनको फरकमा पतिपत्नीको मृत्यु भएको छ । पत्नीको मृत्यु भएको तीन दिनपछि बुधबार बिहान पतिको पनि मृत्यु भएको हो । उनीहरू दुवै जना होम आइसोलेसनमा थिए ।
उत्तरी छिमेकी चीनले दिएका ह्युमपाइप दुई वर्षदेखि नेपाल–चीन सिमाना टिप्ताला भञ्ज्याङमा थन्किएका छन् । नियमित यातायात सञ्चालन गर्न ठूला नदी तथा खोलामा राख्न २०७५ मा दिएका फलामका ह्युमपाइप अलपत्र परेका हुन् ।
जनता समाजवादी पार्टी(जसपा)का अध्यक्ष उपेन्द्र यादवले 'संघीय लोकतान्त्रिक गणतन्त्र, नेपाल' नलेख्ने सरकारको निर्णय मुलुकलाई प्रतिगमनतर्फ लैजाने चेष्टा भएको आरोप लगाएका छन् । उनले सरकारले यो निर्णय फिर्ता नलिए आन्दोलन गर्ने पनि चेतावनी दिएका छन् ।
लगानी बोर्डले तीन ठूला जलविद्युत् परियोजनाका लागि ३८ अर्ब रुपैयाँ बराबरको विदेशी लगानी स्वीकृत गरेको छ । बोर्ड अध्यक्ष एवम् प्रधानमन्त्री केपी शर्मा ओलीको अध्यक्षतामा मंगलबार बसेको बोर्डको ४५ औँ बैठकले तीन ठूला परियोजनाका लागि ३८ अर्ब ६८ करोड रुपैयाँ बराबरको लगानी स्वीकृत गरेको हो ।
सर्वोच्च अदालतले राष्ट्रिय सभा सदस्यमा मनोनीत नेकपाका उपाध्यक्ष वामदेव गौतमविरुद्ध परेका दुई फरक निवेदनमाथि बुधबार सुनुवाइ गर्ने भएको छ । दुवै मुद्दाको पेसी प्रधानन्यायाधीश चोलेन्द्रशमशेर जबराको नेतृत्वमा गठित ५ सदस्यीय संवैधानिक इजलासमा तोकिएको छ ।
प्रधानमन्त्री केपी शर्मा ओली उत्तरी छिमेकी चीनसँग जोडिएको संखुवासभाको सीमा किमाथांका पुगेका छन् । भौतिक पूर्वाधार तथा यातायातमन्त्री वसन्त नेम्वाङ, प्रदेश १ का मुख्यमन्त्री शेरधन राई, सशस्त्र प्रहरी महानिरीक्षक शैलेन्द्र खनाललगायतलाई लिएर चीनसँगको सीमा जोडिएको क्षेत्रमा प्रधानमन्त्री ओली गएका हुन् ।
त्रिभुवन विश्वविद्यालयले कोरोना महामारीका कारण प्रभावित परीक्षा मंसिर २८ गतेबाट सञ्चालन गर्ने भएको छ । विद्यार्थीले घर पायक पर्ने परीक्षा केन्द्रबाट परीक्षा दिन पाउने भएका छन् ।
देशभर पाँच सय कोरोना संक्रमित सघन उपचारमा छन् । यसमध्ये ४ सय ४ जना आईसीयू र ९६ जना भेन्टिलेटरमा छन् । हालसम्म कोरोनाबाट १ हजार १ सय ४८ जनाको मृत्यु भइसकेको छ ।
तत्कालीन सञ्चारमन्त्री गोकुल बाँस्कोटाको अडियो टेप रेकर्ड गरेर चर्चामा आएका विजयप्रकाश मिश्रले सेक्युरिटी प्रिन्टिङ प्रेसको खरिद अनियमिततामा प्रधानमन्त्री केपी शर्मा ओली पनि संलग्न भएको आरोप लगाएका छन् ।
कांग्रेसको महाधिवेशनमा आफ्नो अधिवेशन गराउन नसकेका भ्रातृसंस्थाले मताधिकार प्रयोग गर्न नपाउने भएका छन् । पौडेल पक्षको माग सम्बोधन गर्न सभापति देउवाले बोलाएको अनौपचारिक बैठकमा म्याद सकिएर वर्षौंदेखि तदर्थमा चल्दै आएका भ्रातृसंस्थाले अधिवेशनबेगर महाधिवेशन प्रतिनिधि चयन गर्न नपाउने समझदारी जुटेको हो ।
हरेक वर्षजस्तै यो वर्ष पनि धानबाली लगाउने मुखमै किसानले रासायनिक मलको अभाव भोगे । धानपछि गहुँ बालीलाई अभाव हुन नदिन कृषि तथा पशुपन्छी विकास मन्त्रालयले बंगलादेशबाट पैंचोमा मल ल्याएर भए पनि किसानलाई सहजै उपलब्ध गराउने आश्वासन बाँड्यो । गहुँ छर्ने समय सुरु भइसक्यो । तर अहिलेसम्म किसानले मल पाएका छैनन् ।
चैतयता लकडाउन अवधिभर मानिसको चहलपहल ठप्पप्रायः भयो । लकडाउन हटाइएपछि पनि व्यापार, पर्यटनलगायत धेरै क्षेत्र तङ्ग्रिन सकेका छैनन् । तिब्बतसँग जोडिएको बझाङको उरै नाकाबाट चीनतर्फ जडीबुटी र वन्यजन्तुको तस्करी भने कोरोनाले पनि रोक्न सकेन ।
