भिटेनको नयाँ गीतबारे प्रहरीले सुरु गर्यो अनुसन्धान
काठमाडौँ — र्यापर समिर घिसिङ 'भिटेन' ले हालै सार्वजनिक गरेको नयाँ गीतमाथि छानबिन गर्न प्रहरी प्रधान कार्यालयले साइबर ब्युरोलाई निर्देशन दिएको छ ।
'पारा' बोलको र्याप गीतमा प्रयोग भएका शब्द अश्लिल भएको पाइएपछि साइबर ब्यूरोलाई अनुसन्धान गर्न निर्देशन दिइएको नेपाल प्रहरीका प्रवक्ता एसएसपी कुबेर कडायतले बताए ।
'गीतमा अपाच्य शब्दहरुको प्रयोग गरिएको छ । हामीले अनुसन्धान गर्नू भनेर ब्यूरोलाई निर्देशन दिएका हौं,'कडायतले कान्तिपुरसित भने ।
साइबर ब्युरोका प्रमुख एसएसपी नविन्द अर्यालले गीतको अनुसन्धान सम्बन्धमा पत्र प्राप्त गरेको बताए । उनले भने,'हामीले पत्र प्राप्त गरेका छौं, प्रारम्भिक अनुसन्धानमै छौ ।'
भिटेनको पारा बोलको गीत बिहीबारसम्म युट्युबको ट्रेन्डिङ नम्बर १ मा थियो । हाल उनले उक्त गीत प्राइभेटमा राखेका छन् ।
प्रकाशित : कार्तिक १३, २०७७ १८:१२