बुटवलको कोरोना अस्पतालमा थप एक संक्रमितको मृत्यु- समाचार - कान्तिपुर समाचार

बुटवलको कोरोना अस्पतालमा थप एक संक्रमितको मृत्यु

सन्जु पौडेल

तिलोत्तमा — रुपन्देहीको बुटवलस्थित कोरोना विशेष अस्पतालमा शनिबार बिहान एक संक्रमितको मृत्यु भएको छ । तिलोत्तमा नगरपालिका–७ का ७५ वर्षीय पुरुषको मृत्यु भएको हो ।

स्वास्थ्यमा समस्या आएपछि कात्तिक ५ गते लुम्बिनी प्रादेशिक अस्पताल पुगेका उनलाई ५ गते नै कोरोना पुष्टि भएपछि कोरोना विशेष अस्पतालमा भर्ना गरिएको थियो । उनको उपचारकै क्रममा शनिबार बिहान ७ः४५ बजे मृत्यु भएको अस्पतालका प्रवक्ता डा. विष्णु गौतमले बताए । यससँगै रूपन्देहीमा कोरोनाले मृत्यु हुनेको संख्या ६२ पुगेको छ ।

प्रकाशित : कार्तिक ८, २०७७ ०९:४३
प्रतिक्रिया
पठाउनुहोस्

बाबुराम–हिसिलालाई काेराेना संक्रमण

कान्तिपुर संवाददाता

काठमाडौँ — पूर्वप्रधानमन्त्री तथा जनता समाजवादी पार्टीका नेता बाबुराम भट्टराई र नेतृ हिसिला यमीलाई कोरोना संक्रमण पुष्टि भएको छ ।

नेता भट्टराईले ट्वीटमार्फत आफू र श्रीमती हिसिला यमीमा कोरोना संक्रमण पुष्टि भएको जनाएका छन् । कात्तिक ७ गते गरिएको स्वाब परीक्षणको नतिजा पोजिटिभ आएको उनले उल्लेख गरेका छन् ।

चिकित्सकहरूको सल्लाह बमोजिम दुवैजना होम आइसोलेसनमा रहेको भट्टराईले बताएका छन् । उनीहरूले पछिल्लो समय आफूहरूको सम्पर्कमा रहेकाहरूलाई सतर्कता अपनाउन आग्रह गरेका छन् ।

प्रकाशित : कार्तिक ८, २०७७ ०९:३४
पूरा पढ्नुहोस्
प्रतिक्रिया
पठाउनुहोस्
×