पूर्वप्रधानमन्त्री झलनाथ खनाल अस्पताल भर्ना- समाचार - कान्तिपुर समाचार
कान्तिपुर वेबसाईट
AdvertisementAdvertisement

पूर्वप्रधानमन्त्री झलनाथ खनाल अस्पताल भर्ना

अहिले स्वास्थ्य अवस्था सामान्य : चिकित्सक
कान्तिपुर संवाददाता

काठमाडौँ — उच्च रक्तचाप श्वासप्रश्वासमा समस्या देखिएपछि पूर्वप्रधानमन्त्री तथा नेकपाका वरिष्ठ नेता झलनाथ खनाल अस्पताल भर्ना भएका छन् । स्वास्थ्यमा समस्या देखिएपछि पूर्वप्रधानमन्त्री खनाल बुधबार साँझ धुमबाराहीस्थित ह्याम्स अस्पताल भर्ना भएको खनालका स्वकीय सचिव कृष्ण भट्टराईले जानकारी दिए ।

अहिले खनालको स्वास्थ्य अवस्था सामान्य रहेको उनको उपचारमा संलग्न चिकित्सकले बताएका छन् । छाती रोग विशेषज्ञ डा. रक्षा पाण्डेको नेतृत्वको टोली खनालको उपचारमा संलग्न रहेको ह्याम्स अस्पतालका निर्देशक डा. ज्योतिन्द्र शर्माले जानकारी दिए ।

खनालको फोक्सोमा पानी जमेकाले श्वासप्रश्वासमा समस्या भएको पनि निर्देशक डा. शर्माले बताए । उच्च रक्तचापको पनि समस्या रहेका खनाललाई हाल अस्पतालको क्याबिनमा राखेर उपचार भइरहेको छ ।

खनालको स्वास्थ्यमा भइरहेको सुधार हेर्दा दुई तीन दिनमा डिस्चार्ज गर्न सकिने पनि निर्देशक शर्माले बताए ।

प्रकाशित : आश्विन २९, २०७७ १२:४५
प्रतिक्रिया
पठाउनुहोस्

नवनियुक्त तीन मन्त्रीले लिए पद तथा गोपनीयताको शपथ

कान्तिपुर संवाददाता

काठमाडौँ — राष्ट्रपति विद्यादेवी भण्डारीले नवनियुक्त तीन मन्त्रीलाई पद तथा गोपनियताको शपथ ग्रहण गराएकी छिन् । राष्ट्रपति कार्यालयमा बिहीबार तीन मन्त्रीको शपथ ग्रहण कार्यक्रम सम्पन्न भएको हो । 

प्रधानमन्त्री केपी शर्मा ओलीले बुधबार अर्थमन्त्रीमा विष्णु पौडेल, सहरी विकासमा कृष्णगोपाल श्रेष्ठ र महिला, बालबालिका तथा ज्येष्ठ नागरिक मन्त्रीमा लीलानाथ श्रेष्ठलाई सिफारिस गरेका थिए ।

शपथ ग्रहण कार्यक्रममा उपराष्ट्रपति नन्दबहादुर पुन, प्रधानमन्त्री ओली, सभामुख अग्निप्रसाद सापकोटालगायतको उपस्थिति रहेको थियो ।

नवनियुक्त मन्त्रीहरूले आजै पदभार ग्रहण गर्ने कार्यक्रम रहेको छ ।

प्रकाशित : आश्विन २९, २०७७ १२:३०
पूरा पढ्नुहोस्
प्रतिक्रिया
पठाउनुहोस्
×