नेपालमा कोरोना संक्रमितको संख्या एक लाख नाघ्यो- समाचार - कान्तिपुर समाचार

नेपालमा कोरोना संक्रमितको संख्या एक लाख नाघ्यो

शुक्रबार २ हजार ५९ जनामा संक्रमण पुष्टि
कान्तिपुर संवाददाता

काठमाडौँ — पछिल्लो २४ घन्टामा नेपालमा थप २ हजार ५९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

मन्त्रालयको नियमित प्रेस ब्रिफिङका क्रममा शुक्रबार प्रवक्ता डा जागेश्वर गौतमका अनुसार नयाँ थपिएका कोरोनाका संक्रमितसँगै नेपालमा कोरोना संक्रमितको संख्या १ लाख ६७६ पुगेको बताएका छन् ।

यसैगरी पछिल्लो २४ घन्टामा कोरोनामुक्त भएर १६ सय ८० जना डिस्चार्ज भएका छन् । यो सँगै नेपालमा हालसम्म कोरोनामुक्त हुनेको संख्या ७३ हजार २३ जना पुगेको छ ।

त्यस्तै पछिल्लो २४ घन्टामा नेपालमा थप १० जनाको कोरोना संक्रमणबाट मृत्यु भएको स्वास्थ्य तथा जनसंख्या मन्त्रालयले जनाएको छ । योसँगै नेपालमा कोरोना संक्रमणबाट मृत्यु हुनेको संख्या ६०० पुगेको छ ।

यसैगरी नेपालमा आइसोलेसनमा रहने कोरोना संक्रमित २७ सय ५३ जना छन् भने ४ हजार ७३ जना क्वारेन्टाइनमा रहेको प्रवक्ता गौतमले बताए ।

प्रकाशित : आश्विन २३, २०७७ १६:२३
प्रतिक्रिया
पठाउनुहोस्

भैरहवामा बुटवलका एक कोराेना संक्रमितको मृत्यु

माधव ढुंगाना

भैरहवा — भैरहवास्थित युनिभर्सल शिक्षण अस्पतालमा उपचाररत एक व्यक्तिको कोभिड संक्रमणका कारण शुक्रबार मृत्यु भएको छ । मृतक बुटवल उपमहानगरपालिका–४ का ५० वर्षीय पुरुष हुन् ।

उनी गत बुधवार अस्पतालमा भर्ना भएका थिए । बुधवार भर्ना भएका ती बिरामीलाई बिहीबार कोरोना संक्रमण देखिएपछि भेन्टिलेटरमा राखि उपचार गरिएकोमा शुक्रबार मृत्यु भएको अस्पतालका जनसम्पर्क अधिकृत तेज केसीले बताए ।

केसीका अनुसार अत्याधिक तनाव र निमोनिया भएका ती बिरामीको श्वासप्रश्वासमा समस्या देखिएको थियो । अस्पतालमा उपचाररत रहेका बिरामीमध्ये शुक्रबारमात्रै ५ जनामा कोरोना पोजेटिभ देखिएको उनले जनाए ।


प्रकाशित : आश्विन २३, २०७७ १६:११
पूरा पढ्नुहोस्
प्रतिक्रिया
पठाउनुहोस्
×