धादिङको नेत्रावतीमा मिनी ट्रक दुर्घटना, चालकसहित २ को मृत्यु, १ जना घाइते- समाचार - कान्तिपुर समाचार
कान्तिपुर वेबसाईट
AdvertisementAdvertisement

धादिङको नेत्रावतीमा मिनी ट्रक दुर्घटना, चालकसहित २ को मृत्यु, १ जना घाइते

हरिहरसिंह राठौर

धादिङ — जिल्लाको नेत्रावती डबजोङ गाउँपालिका-५ स्थित बेतिनीमा मंगलबार भएको मिनी ट्रक दुर्घटनमा चालकसहित २ जनाको मृत्यु भएको छ । सवारी धनी सख्त घाइते भएका छन्  । 

लपाङ्गफेदीबाट गिट्टी लिएर कोल्चेत जाँदै गरेको बा ५ ख ४७२८ नम्बरको ट्रक सडक भास्सिएर करिब ४ सय मिटर तल खसेको प्रत्यक्षदर्शीले बताएका छन् । मृत्यु हुनेमा ट्रक चालक गंगाजमुना ३ का २७ वर्षीय बेगबहादु तामाङ र ट्रकमा सवार नेत्रावती डबजोङ ४ का ६६ वर्षीय दलबहादुर तामाङ रहेको गाउँपालिकाका सूचना अधिकारी कृष्णबद्री पौडेलले बताए । दुर्घटनामा सख्त घाइते भएका २ जनाको जिल्ला अस्पताल धादिङमा उपचारको क्रममा मृत्यु भएको हो ।

सवारी धनी नेत्रावती डबजोङ २ का ५८ वर्षीय रामबहादुर तामाङलाई उपचारका लागि नेपाली सेनाको हेलिकप्टरमार्फत काठमाडौंको ट्रमा सेन्टरमा पठाइएको छ ।

प्रकाशित : आश्विन २०, २०७७ १८:२६
प्रतिक्रिया
पठाउनुहोस्

लागूऔषधसहित मकवानपुरमा दुई जना पक्राउ

सुवास विडारी

हेटौंडा — मकवानपुरमा लागूऔषधसहित दुईजना पक्राउ परेका छन् । त्रिभुवन राजपथ सडकखण्डमा भीमफेदी–२, भैंसेबाट प्रहरीले लागूऔषध नाइट्रोभेटसहित २ जना पक्राउ गरेको हो । 

प्रहरी चौकी भैंसेबाट प्रहरी नायव निरीक्षक कुलबहादुर श्रेष्ठको कमाण्डमा खटिएको चेकिङ टोलीले हेटौंडाबाट काठमाडौं जाँदै गरेको बा ९६ प ३२८५ नम्बरको मोटरसाइकललाई रोकी जाँच गर्दा ८७० ट्याबलेट नाइट्रोभेटसहित २ जनालाई पक्राउ गरेको छ ।

पक्राउ पर्नेमा मोटरसाइकल चालक प्युठान मल्लरानी गाउँपालिकाका सतिश दमाल मगर र सोही मोटरसाइकलमा सवार कालीकोट घोचायबाडा गाउँपालिकाका बज्र रोकाया रहेको प्रहरी नायब उपरीक्षक इन्द्रबहादुर रानाले जानकारी दिए ।

प्रकाशित : आश्विन २०, २०७७ १८:०६
पूरा पढ्नुहोस्
प्रतिक्रिया
पठाउनुहोस्
×