म्याद गुज्रिएका सामानमा नयाँ मिति राखेर वितरण गर्ने समूह पक्राउ
काठमाडौँ — महानगरीय प्रहरी वृत्त कालीमाटीले म्याद गुज्रिएका सामग्रीमा नयाँ मिति टाँसेर वितरण गर्दै आएको एक समूहलाई पक्राउ गरेकाे छ ।
वृत्तले कलंकीस्थित एक घरबाट म्याद गुज्रिएका चक्लेट, बेकरी बनाउने पिठो, चक्लेट र बेकरी आइटमममा प्रयोग गरिने रंगलगायतका सामग्रीसहित उनीहरुलाई नियन्त्रणमा लिएको हो ।
दुई तलाकाे घरमा ठूलो परिमाणमा यस्ता सामान रहेको प्रहरीले बताएकाे छ ।
प्रहरीले अकाउन्टेन्ट अनिलकुमार, प्रविनकुमार, आनन्द अवस्थी, सुमित अग्रवाल, किरणदेवी अग्रवाललगायत पाँच जनालाई पक्राउ गरेकाे छ । उनीहरूबाट म्याद गुज्रेकाे तेल पनि बरामद गरिएकाे प्रहरीले बताएकाे छ ।
प्रकाशित : आश्विन १८, २०७७ १२:२३प्रतिक्रिया