कोसी अस्पतालमा ६८ वर्षीया कोरोना संक्रमितको मृत्यु- समाचार - कान्तिपुर समाचार
कान्तिपुर वेबसाईट
AdvertisementAdvertisement

कोसी अस्पतालमा ६८ वर्षीया कोरोना संक्रमितको मृत्यु

देवनाराण साह

विराटनगर — कोसी अस्पतालको कोभिड–१९ उपचार केन्द्रमा उपचाररत विराटनगरकी कोरोना संक्रमित एक ६८ वर्षीया कोरोना संक्रमितको शनिबार मृत्यु भएको छ ।

विराटनगर महानगरपालिका–३ घर भएकी ती महिलालाई कोरोना संक्रमण देखिएपछि असोज ११ गते उपचार केन्द्रमा भर्ना गरिएको थियो ।

श्वासप्रश्वासको समस्याका साथै शरीरमा अक्सिजनको मात्रा कम भएकाले उपचार गर्दा गर्दै पनि बचाउन नसकिएको उपचार केन्द्रका व्यवस्थापक तथा स्वास्थ्य कार्यालय मोरङ प्रमुख ज्ञानबहादुर बस्नेतले बताए ।

प्रकाशित : आश्विन १७, २०७७ १०:४३
प्रतिक्रिया
पठाउनुहोस्

विराटनगरमा कोरोना संक्रमणबाट थप एक जनाको मृत्यु

देवनाराण साह

मोरङ — विराटनगरमा कोरोना संक्रमणबाट शुक्रबार एक जनाको मृत्यु भएको छ । विराटनगर महानगरपालिका ९ गुद्रीका ५८ वर्षीय पुरुषको कोसी अस्पतालमा मृत्यु भएको हो ।

ज्वरो, खोकी र श्वासप्रश्वासमा समस्या देखिएपछि बिहान ९:४० बजे कोसी अस्पताल लगेपछि चिकित्सकले मृत घोषणा गरेका हुन् ।

कोसी अस्पतलाका प्रवक्ता डा. लक्ष्मीनारायण यादवले मृतकमा कोरोनासँग मिल्ने लक्षण रहेकाले स्वाब परीक्षण गर्दा संक्रमण पुष्टि भएको बताए ।

मोरङमा कोरोना भाइरसको संक्रमणले शुक्रबारसम्ममा मृत्यु हुनेको संख्या ५ पुगेको छ । यसअघि विराटनगरका ७७, ४५, रंगेलीका ४५ र सुनवर्षीका ४५ वर्षीय पुरुषको कोरोनाबाट मृत्यु भइसकेको छ ।

प्रकाशित : श्रावण २३, २०७७ १५:१२
पूरा पढ्नुहोस्
प्रतिक्रिया
पठाउनुहोस्
x
×