कोरोनाबाट बुद्धभूमि नगरपालिकाकी ५० वर्षीया महिलाको मृत्यु
कपिलवस्तु — कोरोना संक्रमणबाट बुद्धभूमि नगरपालिका–१ पत्थरकोटकी एक महिलाको मृत्यु भएको छ । श्वासप्रश्वासमा समस्या भएपछि उनी असोज ४ गते भैरहवास्थित युनिभर्सल मेडिकल कजेल अस्पतालमा पुगेकी थिइन् ।
स्वाब संकलन गरी परीक्षण गर्दा उनलाई ५ गते कोरोना पुष्टि भएको थियो । त्यहीँ उपचार गराइरहेकी ५० वर्षे महिलाको बुधबार बिहान मृत्यु भएको जिल्ला स्वास्थ्य कार्यालयका कोरोना नियन्त्रण फोकल पर्सन उमेश घिमिरेले बताए । अस्पतालका अनुसार ती महिला मधुमेह र उच्च रक्तचापको बिरामी थिइन् । यससँगै जिल्लामा कोरोना संक्रमणबाट मृत्यु हुनेको संख्या १२ पुगेकोछ ।
प्रतिक्रिया