कीर्तिमानी आरोही शेर्पाको निधनमा प्रधानमन्त्री ओलीद्वारा दु:ख व्यक्त
काठमाडौँ — कीर्तिमानी आरोही आङरिता शेर्पाको निधनमा प्रधानमन्त्री केपी शर्मा ओलीले दु:ख व्यक्त गरेका छन् । प्रधानमन्त्री ओलीले बिनाअक्सिजन १० पटक सगरमाथा आरोहण गरी विश्व कीर्तिमान राखेका शेर्पाको निधनले आफूलाई अत्यन्त दु:खित तुल्याएको बताएका छन् ।
प्रधानमन्त्रीले ट्विटरमार्फत दिवंगत आरोही शेर्पालाई श्रद्धाञ्जली व्यक्त गर्दै लेखेका छन्, ' बिनाअक्सिजन १० पटक सगरमाथा आरोहण गरी विश्व कीर्तिमान कायम गर्नु भएका आङरिता शेर्पाको निधनले अत्यन्त दु:खित तुल्याएको छ। यस दुःखद् घडीमा उहाँप्रति हार्दिक श्रद्धासुमन अर्पण गर्दै शोकसन्तप्त परिवार र शुभेच्छुकहरुप्रति गहिरो समवेदना व्यक्त गर्दछु । उहाँको कीर्तिमानी सदास्मरणीय रहने छ।'
बिनाअक्सिजन १० पटक सगरमाथा आरोहण गरी विश्व कीर्तिमान कायम गर्नु भएका आङरिता शेर्पाको निधनले अत्यन्त दु:खित तुल्याएको छ। यस दुःखद् घडीमा उहाँप्रति हार्दिक श्रद्धासुमन अर्पण गर्दै शोकसन्तप्त परिवार र शुभेच्छुकहरुप्रति गहिरो समवेदना ब्यक्त गर्दछु।उहाँको कीर्तिमानी सदास्मरणीय रहने छ।
— K P Sharma Oli (@kpsharmaoli) September 21, 2020
हिउँचितुवाका नामले परिचित आरोही आङरिता शेर्पाको सोमबार बिहान काठमाडौंको जोरपाटीस्थित आफ्नै निवासमा निधन भएको हो ।
सम्बन्धित समाचार
प्रकाशित : आश्विन ५, २०७७ १३:३९