१९.१२°C काठमाडौं
काठमाडौंमा वायुको गुणस्तर: १४७

बीपी प्रतिष्ठानमा सप्तरीका ३५ वर्षीय संक्रमितको मृत्यु

प्रदीप मेन्याङबो

सुनसरी — धरानस्थित बीपी कोइराला स्वास्थ्य विज्ञान प्रतिष्ठानको कोभिड–१९ अस्पतालमा उपचाररत सप्तरीका ३५ वर्षीय संक्रमितको मृत्यु भएको छ । सप्तरीको खडक नगरपालिका–३ का पुरुषको बुधबार बिहान ६ बजे मृत्यु भएको प्रतिष्ठानका प्रवक्ता डा. निदेश सापकोटाले जानकारी दिए ।

बीपी प्रतिष्ठानमा सप्तरीका ३५ वर्षीय संक्रमितको मृत्यु

उनका अनुसार ती संक्रमित उच्च रक्तचापसँगै मृगौलाको समस्याबाट पनि पीडित थिए । उनी एक वर्षदेखि सातामा दुईपटक डायलसिस गराउँदै आएका थिए ।

ज्वरो, खोकीसँगै श्वासप्रश्वासमा कठिनाइ भएपछि राजविराजस्थित गजेन्द्रनारायण सिंह अस्पतालमा भर्ना भएका ती पुरुषको भदौ २८ गते पीसीआर जाँच गर्दा कोरोना पोजिटिभ देखिएको थियो । त्यहाँबाट थप उपचारका लागि प्रतिष्ठानको कोभिड अस्पतालमा रिफर गरिएको थियो ।

प्रवक्ता सापकोटाका अनुसार उनलाई आईसीयूमा राखेर उपचार गरिँदै थियो । यससँगै प्रतिष्ठानमा मृत्यु हुने संक्रमितको संख्या २८ पुगेको छ ।


प्रकाशित : भाद्र ३१, २०७७ ०९:५६
प्रतिक्रिया
पठाउनुहोस्
जनताको राय

त्रिभुवन विश्वविद्यालयमा बारम्बार परीक्षार्थीको उत्तरपुस्तिका हराउने गरेको छ। यसको समाधान कसरी हुन्छ?