सांसद प्रेम सुवाल कोरोनामुक्त

कोरोना संक्रमितको कन्ट्याक ट्रेसिङमा परेर भदौ १५ गते पीसीआर परीक्षणका लागि ‘स्वाब’ दिएका सांसद सुवालको भदौ २० रिपोर्ट पोजेटिभ आएको थियो । कोरोना संक्रमितको कन्ट्याक ट्रेसिङमा पर्ने बित्तिकै होम आइसोलेसनमा बसेको सांसद सुवालले बताए ।

विद्यार्थीकालदेखि राजनीतिमा लागेका सांसद सुवालले ‘होम आइसोलेसन’लाई अध्ययन गर्ने समयका रुपमा सदुपयोग गरेको बताएका छन् । ‘होम आइसोलेसन मेरा लागि अध्ययन र आराम गर्ने अवसर बन्यो,’ उनले भने,‘सामाजिक सञ्जाललाई पनि भरपूर्ण सदुपयोग गरें ।’

सांसद सुवालले यसअघि संसदमा दुईपल्ट कोरोना परीक्षण गराएको र दुवैपल्ट रिपोर्ट नेगेटिभ आएको बताए ।