तत्कालीन राजा वीरेन्द्रले चढ्ने सैनिक विमान एयरपोर्टबाट गुडाउँदै नारायणहिटी संग्रहालयमा लगियो- समाचार - कान्तिपुर समाचार

तत्कालीन राजा वीरेन्द्रले चढ्ने सैनिक विमान एयरपोर्टबाट गुडाउँदै नारायणहिटी संग्रहालयमा लगियो

मातृका दाहाल, तस्बिर : इलिट जोशी

काठमाडौँ — नेपाली सेनाले तत्कालीन राजा वीरेन्द्र र उनको परिवारले प्रयोग गर्ने भीभीआईपी सैनिक विमान विमानस्थलबाट गुडाएर नारायणहिटी दरबार संग्रहालय लगेको छ । संग्रहालयमा राख्नका लागि एनए ०२० एचएस ७४८ नम्बरको एभ्रो विमान (जहाज) शनिबार राति गुडाउँदै सैनिक र प्रहरीको सुरक्षाबीच लगिएको हो ।

विमानस्थलबाट विमान तीनकुने, बानेश्वर, माइतीघर, भद्रकाली हुँदै नारायणहिटी दरबार संग्रहालयमा लैजानका लागि ल्याएको हो ।

विमान भद्रकालीबाट अघि बढिसकेको महानगरीय ट्राफिक प्रहरी महाशाखा प्रमुख एसएस्पी भीम ढकालले बताए । उक्त विमान लामो समयदेखि त्रिभुवन अन्तर्राष्ट्रिय विमानस्थलमा ग्राउन्डेड थियो ।




प्रकाशित : भाद्र २७, २०७७ २२:५४
प्रतिक्रिया
पठाउनुहोस्

तामाङ घेदुङद्वारा लिदी पहिरोपीडितलाई साढे २५ लाख सहयोग

कान्तिपुर संवाददाता

सिन्धुपाल्चोक — लिदीका पहिरोपीडितलाई नेपाल तामाङ घेदुङ सिन्धुपाल्चोकले २५ लाख ५५ हजार रुपैयाँ सहयोग हस्तान्तरण गरेको छ । 

जुगल गाउँपालिका–२ लिदीमा गएको पहिरोमा सर्वस्व गुमाएका १ सय ७२ परिवारलाई ११ वटा वैदेशिक घेदुङबाट संकलित उक्त सहयोग रकम प्रदान गरिएको हो । नेपाल तामाङ घेदुङका सिन्धुपाल्चोकका अध्यक्ष रेशम स्याङ्बोका अनुसार बेल्जियम, जापान, दक्षिण कोरिया (ख्यङसान, बुसान), हङकङ, यूके, बहराइन, कतार, साइप्रस, मकाउ, मलेसियास्थित घेदुङका शाखाहरूबाट २२ लाख १२ हजार ४ सय ९५ रुपैयाँ सहयोग संकलन भएको थियो । यसबाहेक सिन्धुपाल्चोक र अन्यत्रबाट गरी ४ लाख ८९ हजार २ सय २५ रुपैयाँ सहयोग जुटेको स्याङ्बोले जनाए ।

‘यसमध्ये २५ लाख ५५ हजार लिदीवासीलाई सुम्पिएका छौं भने १ लाख जुगल–१ बराम्चीमा भीरबाट लडेर मृत्यु भएकी गर्भवतीको परिवारलाई दिनेछौं,’ उनले भने । बचेको केही रकम लिदीवासीलाई अन्य सहयोग गर्न घेदुङकै कोषमा सुरक्षित राखिएको उनको भनाइ छ ।

लिदी पहिरोमा ज्यान गुमाएका मृतकका परिवारलाई जनही ६० हजार, आवास भत्किएकालाई ३२ हजार र अन्य १ सय ४१ परिवारलाई १० हजार रुपैयाँका दरले सहयोग रकम वितरण गरिएको छ ।

प्रकाशित : भाद्र २७, २०७७ २२:२७
पूरा पढ्नुहोस्
प्रतिक्रिया
पठाउनुहोस्
×