पोखरामा स्याङ्जाका एक कोरोना संक्रमितको मृत्यु

पोखरा — स्याङ्जाका कोरोना संक्रमित ८५ वर्षीय वृद्धको शनिबार पोखरामा निधन भएको छ । पोखरा स्वास्थ्य विज्ञान प्रतिष्ठान, पश्चिमाञ्चल क्षेत्रीय अस्पताल अन्तर्गत कोभिड–१९ उपचार केन्द्रको आईसीयूमा उपचाररत उनको बिहान ६ बजेर ३२ मिनेटमा उपचारको क्रममा मृत्यु भएको हो ।

पुतलीबजार नगरपालिका–१ का उनी भदौ २४ मा कोरोना संक्रमण पुष्टि भएपछि उपचारको लागि अस्पतालमा भर्ना भएका थिए । अस्पतालमा कोरोनाकै कारण ज्यान गुमाउने उनी दसौं व्यक्ति हुन् । गण्डकी प्रदेशमा कोरोना संक्रमणबाट हालसम्म २३ जनाको निधन भइसकेको छ ।

प्रकाशित : भाद्र २७, २०७७ ०९:३९

प्रतिक्रिया

पठाउनुहोस्