ललितपुरका मेयरलाई ज्यान मार्ने धम्की दिने एक जना पक्राउ
काठमाडौँ — रातो मच्छिन्द्रनाथको रथयात्राको क्रममा ललितपुर महानगरपालिकामा मेयरलाई ज्यान मार्ने धम्की दिएका एक जनालाई प्रहरीले पक्राउ गरेको छ ।
महानगरीय अपराध महाशाखाको टोलीले ललितपुर महानगरपालिका वडा नम्बर १३ कुसुन्तीका ४५ वर्षीय सञ्जय शाक्यलाई भीडलाई उत्तेजित पारी एक टेलिभिजनमा अन्तर्वार्तामा मेयरलाई ज्यान मार्ने धम्की दिएको आरोपमा आइतबार पक्राउ गरेको हो ।
गत बिहीबार ललितपुरको पुल्चोकमा भएको घटनामा ढुंगामुढा गर्ने, भीडलाई उत्तेजित गराउने र ललितपुर महानगरपालिकाका मेयरलाई ज्यान मार्ने धम्की दिएको आरोपमा महाशाखाबाट खटिएको प्रहरी टोलीले शाक्यलाई उनकै घरबाट पक्राउ गरेको हो ।
उनलाई आवश्यक कारबाहीका लागि महानगरीय प्रहरी परिसर ललितपुर पठाइएको महाशाखाले जनाएको छ ।
प्रकाशित : भाद्र २२, २०७७ १३:५५प्रतिक्रिया