नेपालमा कोरोना संक्रमितको संख्या ४४ हजार नाघ्यो, २४ घन्टामा १३ सय ५९ जना संक्रमित- समाचार - कान्तिपुर समाचार
कान्तिपुर वेबसाईट
AdvertisementAdvertisement

नेपालमा कोरोना संक्रमितको संख्या ४४ हजार नाघ्यो, २४ घन्टामा १३ सय ५९ जना संक्रमित

कान्तिपुर संवाददाता

काठमाडौँ — नेपालमा कोरोना भाइरस संक्रमितको संख्या ४४ हजार नाघेको छ । पछिल्लो २४ घन्टामा १३ सय ५९ जनामा संक्रमण पुष्टि भएसँगै शुक्रबार ४४ हजार २३६ पुगेको हो । 

२४ घन्टाको अध्यावधिक विवरण अनुसार बिहीबार १ हजार ६९ जनामा कोरोना संक्रमण पुष्टि भएको थियो ।

२४ घन्टामा डिस्चार्ज १३ सय ५४ जना निको भएका छन् । यो सँगै निको हुनेको संख्या २५ हजार ५६१ पुगेको छ । यो ५८ प्रतिशत हो ।

पीसीआर परीक्षण १३ हजार ६ सय ३८ रहेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बताए । हालसम्म ७ लाख ४५ हजार ४ सय ९० पीसीआर विधिबाट परीक्षण भएका छन् ।

शुक्रबार अपराह्न सम्मको तथ्यांकअनुसार आइसोलेसनमा उपचारमा रहेकाको संख्या १८ हजार ४ सय ४ र क्‍वारेन्टाइनमा ६ हजार ५ सय ६१ जना रहेको छ । २४ घन्टाको अवधिमा कोरोना संक्रमणबाट थप १४ जनाको मृत्यु भएको प्रवक्ता गौतमले बताए ।

जिल्लागत नयाँ संक्रमितको तथ्यांक


स्रोत : स्वास्थ्य तथा जनसंख्या मन्त्रालय


प्रकाशित : भाद्र १९, २०७७ १६:२६
प्रतिक्रिया
पठाउनुहोस्

कर्णाली नदीमा बेपत्ता तीन जनामध्ये एककाे शव फेला

कमल पन्थी

बर्दिया — बिहीबार दिउँसो कर्णाली नदीको भँगालो गेरुवा नदीमा बेपत्ता भएकामध्ये एक जनाको शव फेला परेको छ । काठ, दाउरा संकलन गर्न जाँदा गेरुवा नदीले बगाउँदा बेपत्ता भएका तीन जनाको खोजी गर्दा एकजना शव फेला परेको सशस्त्र प्रहरी बलले जनाएको छ ।

सशस्त्र प्रहरी उपरीक्षक नरबहादुर राउतका अनुसार बगेकामध्ये गेरुवा गाउँपालिका—४ का १४ वर्षीय भरत कडायतको गुप्तीपुर भन्ने ठाउँमा शव शुक्रबार फेला परेको बताए । अन्य दुई जनाको खोजी कार्यमा प्रहरी बिहानैदेखि परिचालित भएको सहाय प्रहरी उपरीषक राउतले जनाए ।

गेरुवा गाउँपालिका—४ का ४० वर्षीय बलबहादुर रोकाया, १४ वर्षीय पवि रोकाया र १४ वर्षीय भरत कडायत गेरुवा नदीले बगाउँदा बेपत्ता भएका थिए ।

प्रकाशित : भाद्र १९, २०७७ १६:२४
पूरा पढ्नुहोस्
प्रतिक्रिया
पठाउनुहोस्
×