कोरोना निको भएर एकैदिन ११ सय १२ जना घर फर्किए- समाचार - कान्तिपुर समाचार
कान्तिपुर वेबसाईट
AdvertisementAdvertisement

कोरोना निको भएर एकैदिन ११ सय १२ जना घर फर्किए

कान्तिपुर संवाददाता

काठमाडौँ — देशभरबाट एकैदिन ११ सय १२ जना घर फर्किएका छन् । स्वास्थ्य तथा जनसंख्या मन्त्रालयले बुधबार आयोजना गरेको नियमित पत्रकार सम्मेलनमा पछिल्लो २४ घन्टामा १ हजार १ सय १२ जना डिस्चार्ज भएको जानकारी दिएको हो ।  

बुधबार अपराह्नसम्म निको हुनेको संख्या २३ हजार २ सय ९० पुगेको छ । यो ५६ प्रतिशत हो । २४ घन्टाको अध्यावधिक विवरण सुनाउने क्रममा मंगलबार ७ सय ६८ जना डिस्चार्ज भएको जनाइएको थियो ।

अझै १८ हजार १ सय ८ जना विभिन्न अस्पतालमा उपचाररत रहेको मन्त्रालयका प्रवक्ता डा जागेश्‍वर गौतमले जानकारी दिए । उनका अनुसार ६ हजार ७ सय ६६ जना क्वारेन्टाइनमा छन् ।

गत २४ घन्टामा १२ हजार ८ सय ७९ पीसीआर परीक्षण भएका छन् ।


प्रकाशित : भाद्र १७, २०७७ १७:४६
प्रतिक्रिया
पठाउनुहोस्

उपत्यकामा निषेधाज्ञा भदौ २४ सम्म थप

कान्तिपुर संवाददाता

काठमाडौँ — उपत्यकामा निषेधाज्ञा थप एक साताका लागि बढाइएको छ । काठमाडौं, भक्तपुर र ललितपुरका प्रमुख जिल्ला अधिकारी (प्रजिअ)को संयुक्त बैठकले उपत्यका कोरोना संक्रमणको जोखिम अझै उच्च रहेको भन्दै भदौ २४ गते मध्यराति सम्मका लागि निषेधाज्ञा बढाएको हो ।

जोखिमलाई विश्लेषण गर्दा अझै केही समय निषेधाज्ञा थप्नु पर्ने देखिएकोले सोही अनुसार एक सातासम्म यसअघिकै निर्णयलाई निरन्तरता दिइएको काठमाडौंका प्रमुख जिल्ला अधिकारी जनकराज दाहालले बताए । निर्णय केही बेरमा औपचारिरुपमा सार्वजनिक गरिने प्रजिअ दाहालले बताए ।

दाहालसहित भक्तपुरकी प्रजिअ हुमकला पाण्डे र ललितपुरका नारायणप्रसाद भट्टको संयुक्त बैठकले निषेधाज्ञा बढाउने निर्णय गरेको हो ।

यससगै तीन जिल्लाले आ–आफ्नो जिल्ला प्रशासन मार्फत निर्णय सार्वजनिक गर्ने छन् ।

प्रकाशित : भाद्र १७, २०७७ १७:४६
पूरा पढ्नुहोस्
प्रतिक्रिया
पठाउनुहोस्
×