कोरोना संक्रमणबाट बारामा थप २ जनाको मृत्यु
बारा — कोरोना भाइरस संक्रमण पुष्टि भएर उपचाररत बाराका थप २ जना पुरूषको मृत्यु भएको छ ।
पर्साको वीरगन्जस्थित गण्डक कोभिड अस्पतालमा उपचाररत उनीहरूको मंगलबार राति मृत्यु भएको प्रहरी नायब उपरीक्षक गौतम मिश्रले जानकारी दिए । उनका अनुसार मृत्यु हुनेमा विश्रामपुर गाउँपालिका-१ का ४२ वर्षीय पुरुष र कलैया उपमहानगर नगरपालिका-१ का ७० वर्षीय पुरूष छन् । श्वासप्रश्वासको समस्या देखिएपछि अस्पताल भर्ना भएका थिए ।
प्रहरी नायब उपरीक्षक मिश्रले उनीहरुको बुधबार दाहसंस्कार गरिएको बताए । यो सहित बारामा जिल्लामा कोरोना संक्रमणबाट मृत्यु हुनेको संख्या १४ पुगेको छ ।
प्रतिक्रिया
