नेपालमा थप ८८५ जना कोरोना संक्रमण, संक्रमितको संख्या ३४ हजार ४१८ पुग्यो - समाचार - कान्तिपुर समाचार
कान्तिपुर वेबसाईट
AdvertisementAdvertisement

नेपालमा थप ८८५ जना कोरोना संक्रमण, संक्रमितको संख्या ३४ हजार ४१८ पुग्यो 

कान्तिपुर संवाददाता

काठमाडौँ — नेपालमा थप ८८५ जना कोरोना भाइरसका संक्रमित फेला परेका छन् । पछिल्लो २४ घन्टामा ८८५ जनामा कोरोना भाइरस संक्रमण पुष्टि भएको स्वास्थ्य तथा जनसंख्या मन्त्रालयले बुधबार आयोजना गरेको पत्रकार सम्मेलनमा जानकारी दिइएको हो ।

२४ घन्टामा ३८५ जना निको भएर घर फर्किएका छन् । हालसम्म १९ हजार ५०४ निको भएको मन्त्रालयका प्रवक्ता डा.जागेश्वर गौतमले जानकारी दिए ।

त्यसैगरी २४ घन्टामा जम्मा १३ हजार २ सय ५३ पीसीआर परीक्षण भएका छन् । मन्त्रालयका अनुसार बुधबारसम्म पीसीआर विधिबाट ६ लाख ३५ हजार २५२ परीक्षणहरु गरिएका छन् ।

हालसम्म क्वारेन्टाइनमा रहनेको संख्या ९ हजार ८ सय ३२ जना रहेका छन् । त्यसैगरी आइसोलेसनमा रहनेको संख्या १४ हजार ७३९ जना रहेको छ ।



स्रोत : स्वास्थ्य तथा जनसंख्या मन्त्रालय


प्रकाशित : भाद्र १०, २०७७ १६:२४
प्रतिक्रिया
पठाउनुहोस्

धरानमा थप एक साता लकडाउन

प्रदीप मेन्याङ्बो

सुनसरी — धरान उपमहानगरपालिकामा थप एक सातालाई लकडाउन थपिएको छ । धरान उपमहानगरपालिका कार्यपालिकाको बुधबारको बैठकले कोरोना संक्रमणको जोखिम कम नभएको निष्कर्ष निकाल्दै थप एक सातालाई लकडाउन गर्ने निर्णय गरेको हो । 

कोरोना संक्रमण बढ्ने खतरा अझै रहेकाले भदौ १७ गते मध्यरातिसम्म लकडाउन गर्ने निर्णय भएको उपमहानगर प्रमुख तिलक राईले बताए । उनकाअनुसार धरान प्रवेश गर्नेहरुलाई थप कडाइ गरिने छ । लकडाउन अवधिमा खाद्यान्न तथा सागसब्जी पसल बिहान १० बजेसम्म खोल्न दिने निर्णय गरिएको प्रमुख राई बताए ।

समुदायस्तरमा कोरोना संक्रमण फैलिएपछि उपमहानगरले साउन २२ गतेदेखि किस्ताबन्दी रुपमा लकडाउन गर्दै आएको छ ।

कोरोना संक्रमणबाट धरानमा तीन जनाको मृत्यु र १ सय २० जना संक्रमितको संख्या पुगेको छ ।

प्रकाशित : भाद्र १०, २०७७ १५:३६
पूरा पढ्नुहोस्
प्रतिक्रिया
पठाउनुहोस्
×