बीपी प्रतिष्ठानमा कोरोनाबाट मोरङकी ६७ वर्षीया महिलाको मृत्यु
सुनसरी — सुनसरीको धरानस्थित बीपी कोइराला स्वास्थ्य विज्ञान प्रतिष्ठानमा उपचाररत कोरोना संक्रमित एक महिलाको मंगलबार राति मृत्यु भएको छ ।
मोरङको बुढीगंगा २ बस्ने ६७ वर्षीया ती महिलालाई साउन २५ गतेदेखि उच्च ज्वरो, अत्यधिक खोकी र श्वासप्रश्वासमा समस्या देखिएपछि विराट मेडिकल कलेजमा लगिएको थियो ।
विराट मेडिकल कलेजले रोग पहिचान गर्न नसकेपछि भदौ २ गते मंगलबार बिहान बीपी प्रतिष्ठानमा रिफर गरेको थियो ।
प्रतिष्ठानका प्रवक्ता प्रा.डा.निदेश सापकोटाका अनुसार विराट मेडिकल कलेज विराटनगरबाट ती महिला रिफर भई प्रतिष्ठान आएको र उनमा मुटुको पनि समस्या रहेको थियो ।
प्रकाशित : भाद्र ३, २०७७ १०:००प्रतिक्रिया