बीपी प्रतिष्ठानलाई ‘विश्वविद्यालय’ बनाइने- समाचार - कान्तिपुर समाचार

बीपी प्रतिष्ठानलाई ‘विश्वविद्यालय’ बनाइने

कान्तिपुर संवाददाता

सुनसरी — काठमाडौंमा भएको ४४औं सिनेट बैठकले धरानस्थित बीपी कोइराला स्वास्थ्य विज्ञान प्रतिष्ठानलाई विश्वविद्यालय बनाउने निर्णय गरेको छ । कांग्रेस कार्यकर्ता र प्रतिष्ठानभित्रैबाट व्यापक विरोधकाबीच बैठकले शुक्रबार उक्त निर्णय गरेको हो । 

बैठकले प्रतिष्ठानभित्रै ट्रमा सेन्टर र मानव अंग प्रत्यारोपण केन्द्र स्थापना गर्ने निर्णय समेत गरेको छ । प्रतिष्ठानलाई आर्थिक वर्ष २०७७/२०७८ का लागि २ अर्ब ९८ करोड ६७ लाख रुपैयाँको बजेट पारित गरिएको छ ।

प्रतिष्ठानका रजिस्ट्रार प्रा.डा. मोहनचन्द्र रेग्मीका अनुसार सिनेटले प्रतिष्ठानलाई स्वास्थ्य शिक्षा र उपचारको क्षेत्रमा मुलुककै पहिलो विश्वविद्यालय बनाउने निर्णय पारित गर्दै कार्यदल गठन गरेको छ । रेग्मीले भने, ‘उपत्यकामा सीमित अंग प्रत्यारोपण अब प्रतिष्ठानमा पनि हुने बाटो खुलेको छ । साथै प्रतिष्ठानले उच्च तहको आफ्नै ट्रमा सेन्टर पनि सुरु गर्ने भएकाले कलेजो, मृगौला, प्यांक्रियाजलगायत अंग प्रत्यारोपण केन्द्र नै सञ्चालनका लागि सिनेटले पारित गरेको छ ।’

उनका अनुसार प्रतिष्ठानमा मानव अंग प्रत्यारोपण केन्द्र सञ्चालनका लागि गतवर्ष नै भारतको अहमदाबादस्थित अंग प्रत्यारोपण केन्द्रसँग प्रशिक्षण र जनशक्ति उत्पादनका लागि सम्झौतासमेत भइसकेको छ ।

प्रकाशित : श्रावण ३१, २०७७ १९:५२
प्रतिक्रिया
पठाउनुहोस्

साताका ७ तस्बिर

कान्तिपुर संवाददाता

काठमाडौँ — कोरोना संक्रमण झन् बढ्न थालेपछि सरकारले सार्वजनिक भेला,सभा, समारोहमा पूर्ण रोक लगाएको छ भने होटलबाट टेक अवे सेवा मात्र सञ्चालन गर्न दिएको छ । यस साता इकान्तिपुरमा कोरोनासँग सम्बन्धित तस्बिर लगायतका विषयहरु प्राथमिकता पाए । कृष्ण जन्माष्टमीको पूर्व सन्ध्या मन्दिर परिसर,झरनामा रमाउँदै युवाहरु,खेल मैदानमा अभ्यास गर्दै गरेका खेलाडीहरु लगायतका तस्बिरहरुले प्राथिमकता पाए ।

गोदावरी नगरपालिकाको झरुवाराशीस्थित कर्मनाशा खोलाबाट निस्केको सानो झरनामा रमाउँदै युवाहरु । तस्बिरः अंगद ढकाल

पाटन अस्पातलमा कोरोनाबाट मृत्यु भएकालाई बुधबार पशुपति क्षेत्रस्थित विद्युतीय शवदाहगृहमा अन्त्येष्टिअघि सलामी दिँदै नेपाली सेनाका जवान । तस्बिर: इलिट जोशी ।

लुम्बिनीस्थित एक विहारमा ओथारो बसेको सारस । तस्बिर: मनोज पौडेल

काठमाडौंको लैन्चौर स्थित खेलमा मैदानमा अभ्यास गर्दै खेलाडीहरु । तस्बिरः दीपक केसी

मास्क लगाएर मोटरसाइकलमा ललितपुरको पाटन हुँदै गन्तव्यतिर अगाडि बढ्दै । तस्बिरः सन्जोग मानन्धर

कुलेश्वरस्थित फलफूल बजारमा सटर बन्द गरेर आराम गरिरहेका विक्रेता । तस्बिरः इलिट जोशी


प्रकाशित : श्रावण ३१, २०७७ १९:४२
पूरा पढ्नुहोस्
प्रतिक्रिया
पठाउनुहोस्
×