गोंगबुमा सुटकेसभित्र भेटियो टाउको काटिएको शव- समाचार - कान्तिपुर समाचार
कान्तिपुर वेबसाईट
AdvertisementAdvertisement

गोंगबुमा सुटकेसभित्र भेटियो टाउको काटिएको शव

कान्तिपुर संवाददाता

काठमाडौँ — टाउको काटिएको अवस्थामा गोंगबुमा एउटा सुटेकसभित्र शव भेटिएको छ । 'गोंगबु गणेस्थाननेर एउटा कालो सुटकेसमा टाउको काटिएको शव भेटिएको हो । टाउको केही पर झोलामा भेटिएको छ,' काठमाडौं महानगरीय प्रहरी परिसरका प्रवक्ता डिएसपी राजकुमार केसीले भने । 

उनका अनुसार बिहान पौने सात बजे स्थानीयले प्रहरीलाई यसको जानकारी दिएका थिए । शव अन्दाजी ४०-४५ वर्षका पुरुषको भए पनि सनाखत भने भइनसकेको उनले बताए । घटनामा कसैलाई पनि पक्राउ नगरिएको र अनुसन्धान भइरहेको उनले बताए । परिसर प्रमुख एसएसपी श्याम ज्ञवाली लगायत प्रहरी अधिकारीहरु घटनास्थल पुगेका छन् । फरेन्सिक डाक्टरको टोली पनि घटनास्थल पुगेको थियो । शव भेटिएपछि तालिमप्राप्त कुकुर समेत परिचालन गरिएको प्रहरीले बताएको छ । शवको पोष्टमार्टमका लागि अस्पताल पठाइएको छ ।

प्रकाशित : श्रावण २५, २०७७ ११:४४
प्रतिक्रिया
पठाउनुहोस्

पिर्लो युभेन्ट्सका नयाँ प्रशिक्षक

एजेन्सी

टुरिन — सिरी ए च्याम्पियन्स युभेन्ट्सले शनिबार आफ्ना पूर्व स्टार खेलाडी आन्द्रे पिर्लोलाई प्रशिक्षक नियुक्त गरेको छ । मउरिजो सारीलाई वर्खास्त गरेयता युभेन्ट्सले पिर्लोलाई चयन गरेको हो ।

युरोपेली च्याम्पिन्स लिगबाट बाहिरिएयता सारी वर्खास्त परेका थिए । उनको वर्खास्ती घोषणा गरेको केही घण्टामै युभेन्ट्सले पिर्लोलाई प्रशिक्षकमा नियुक्त गरेको हो ।

यसको नौ दिन अगाडि मात्र युभेन्ट्सले पिर्लोलाई आफ्नो यू २३ टिमको प्रशिक्षक नियुक्त गरेको थियो । सारीको वर्खास्तीपछि युभेन्ट्सले प्रशिक्षकमा जिनेदिन जिदान अथवा पउरिसो पोचेटिनोका लागि प्रयास गर्ने अनुमान गरिएको थियो ।

प्रकाशित : श्रावण २५, २०७७ ११:१२
पूरा पढ्नुहोस्
प्रतिक्रिया
पठाउनुहोस्
×