श्रीलंकाका समकक्षी राजपाक्षलाई प्रधानमन्त्री ओलीको बधाई
काठमाडौँ — प्रधानमन्त्री केपी शर्मा ओलीले श्रीलंकाका प्रधानमन्त्री महिन्दा राजपाक्षलाई उनको श्रीलंकन पिपुल्स पार्टी (एसएलपीपी) ले शुक्रबार सम्पन्न निर्वाचनमा पाएको सफलतालाई लिएर बधाई दिएका छन् । ओलीले शुक्रबार राजपाक्षलाई टेलिफोन गर्दै नेपाल सरकार र नेकपाको तर्फबाट बधाई दिएका हुन् । ओलीले राजपाक्षको कार्यकालको लागि पनि शुभकामना दिए ।
राजपाक्षको एसएलपीपीले संसदको २२५ सिटको मध्ये १४५ सिट जितेको थियो भने थप ५ सिट एसएलपीपीकै गठबन्धनमा रहेको पार्टीहरुले हात पारेका छन् ।
दुई प्रधानमन्त्रीले नेपाल र श्रीलंका बीचको सम्बन्धलाई आगामी दिनमा थप मजबुद बनाउँदै जाने विषयमा कुरा गरेकाे परराष्ट्र मन्त्रालयले विज्ञप्तिमार्फत् जनाएको छ ।
I called Prime Minister Mahinda Rajapaksa of Sri Lanka today to congratulate him on behalf of the government and people of Nepal as well as on my own and the NCP, on the landslide electoral victory of SLPP and conveyed best wishes for his successful tenure of office.
— K P Sharma Oli (@kpsharmaoli) August 7, 2020
दुई प्रधानमन्त्रीले आ–आफ्नो मुलुकमा कोभिड–१९ को संक्रमणविरुद्ध लड्नको लागि भइरहेको राष्ट्रिय अनुभवको आदान–प्रदान गरेका थिए । उनीहरुले कोरोना भाइरस संक्रमण सकिएपछि एक आपसमा उच्चस्तरीय भ्रमण गर्ने सम्बन्धमा पनि कुरा भएको थियो । परराष्ट्र मन्त्रालयका अनुसार संवादको क्रममा ओलीले नेपालमा सन् २०१५ मा गएको भूकम्पपछि श्रीलंकाले दुई सांस्कृति क्षेत्रको पुननिर्माण गरेको सहयोगलाई लिएर राजपाक्षलाई धन्यवाद दिएका थिए ।
Thank you to @PM_Nepal KP Sharma Oli for your call, warm wishes and the invitation to visit Nepal. Sri Lanka values its friendly relations with your country & will always stand by the people of Nepal in times of need. I look forward to further enhancing our cooperation.
— Mahinda Rajapaksa (@PresRajapaksa) August 7, 2020
यस्तै राजपाक्षले प्रधानमन्त्री ओलीलाई टेलिफोन गरी बधाई दिएकाेमा धन्यवाद भन्दै नेपाल भ्रमणको निम्तो दिएकाे ट्वीट लेखेका छन् ।