अध्यक्ष दाहालसहित परिवारका सदस्यको कोरोना रिपोर्ट नेगेटिभ- समाचार - कान्तिपुर समाचार

अध्यक्ष दाहालसहित परिवारका सदस्यको कोरोना रिपोर्ट नेगेटिभ

रासस

काठमाडौँ — नेकपाका अध्यक्ष पुष्पकमल दाहालसहित परिवारका सदस्य एवं सचिवालयका सदस्यहरुको कोरोना रिपोर्ट नेगेटिभ आएको छ ।

अध्यक्ष दाहाललगायत परिवारका सम्पूर्ण सदस्य, सुरक्षाकर्मी र सचिवालयका सदस्यमा कोरोना परीक्षण गर्दा उनको बाहिरी सुरक्षा घेरामा खटिएका ६ सुरक्षाकर्मीमा मात्र संक्रमण पुष्टि भएको दाहालको सचिवालयले जनाएको छ ।

बाहिरी घेरामा खटिने ६ सुरक्षाकर्मीबाहेक अन्यको कोरोना रिपोर्ट नेगेटिभ आएको अध्यक्ष दाहालका निजी सचिव गंगा दाहालले जानकारी दिइन् ।

कुपण्डोलमा रहेको विध म्यानेजमेन्ट प्रालिद्वारा सञ्चालित कोभिड ल्याबमा अध्यक्ष दाहाल, परिवार, सचिवालयका सदस्य र सुरक्षाकर्मीलगायत ५३ जनाको कोरोना परीक्षण गरिएको थियो ।

प्रकाशित : श्रावण २२, २०७७ १६:२३
प्रतिक्रिया
पठाउनुहोस्

प्रदेश ५ सरकारले प्रादेशिक प्रशिक्षण प्रतिष्ठान बनाउने

अमृता अनमोल

बुटवल — जनप्रतिनिधि र कर्मचारीलाई जिम्मवारी अनुसारको काममा दक्ष बनाउन भन्दै प्रदेश ५ सरकारले प्रादेशिक प्रशिक्षण प्रतिष्ठानको गठन तथा सञ्चालन गर्ने भएको छ ।

मुख्यमन्त्री शंकर पोखरेलको अध्यक्षतामा बन्ने प्रतिष्ठानले प्रदेश र स्थानीय तहका जनप्रतिनिधि र कर्मचारीलाई विभिन्न तालिम कार्यक्रम सञ्चालन गर्नेछ । बिहीबार बसेको प्रदेश ५ को मन्त्रिपरिषद् बैठकले प्रतिष्ठानको गठन तथा कार्य सञ्चालन आदेश २०७७ लाई स्वीकृत गरेको हो ।

यस्तै, कर्मचारीलाई अनुशासित र मर्यादित बनाइ सुशासनमा राख्‍न बनाइएको प्रदेश सेवामा कार्यरत कर्मचारीको व्यवस्थापन कार्यविधि समेत मन्त्रिपरिषद् बैठकले स्वीकृत गरेको छ ।

प्रदेश सरकारले स्वास्थ्य क्षेत्रमा कार्यरत कर्मचारीलाई छुट्टै तालिम तथा सहजीकरण गर्ने भएको छ । त्यसका लागि प्रदेश स्वास्थ्य तालिम सञ्चालन तथा व्यवस्थापन कार्यविधि स्वीकृत भएको छ । प्रदेश ५ सरकारले विभिन्न विधाबाट विशिष्ठ काम गरेका व्यक्तिहरुलाई वार्षिक रुपमा वितरण गर्ने प्रदेश पदक ऐनमा समेत संशोधन गर्न समेत मन्त्रिपरिषदले स्वीकृति दिएको छ ।

प्रकाशित : श्रावण २२, २०७७ १६:०८
पूरा पढ्नुहोस्
प्रतिक्रिया
पठाउनुहोस्
×