उपत्यकासहितका स्थानमा भोलिदेखि सवारी साधनमा जोर- बिजोर लागू- समाचार - कान्तिपुर समाचार

उपत्यकासहितका स्थानमा भोलिदेखि सवारी साधनमा जोर- बिजोर लागू

काठमाडौंमा राति ९ देखि बिहान ५ सम्म सवारी चलाउन रोक
मातृका दाहाल

काठमाडौँ — सरकारले बिहीबारदेखि लागू हुनेगरी काठमाडौं उपत्यकासहित २ सयभन्दा बढी कोरोनाका सक्रिय संक्रमण केस भएका जिल्लामा सवारीमा जोरबिजोर प्रणाली लागू गरेको छ ।

गृह मन्त्रालयले बुधबार विज्ञप्ति जारी गर्दै जोरबिजोर लागू भएका स्थानमा बेलुका ९ बजेदेखि बिहान ५ बजेसम्म आवागमन बन्द गर्ने निर्णय भएको पनि जनाएको छ ।

काठमाडौं उपत्यका प्रवेश गर्ने अत्यावश्यक ढुवानीबाहेकका सबै यात्र वाहक सवारी साधनहरुलाई साँझ ७ देखि बिहान ७ बजेसम्म आवागमन निषेध गरिएको व्यवस्थालाई कडाईका साथ लागू गर्ने समेत मन्त्रालयले जनाएको छ ।

यस्तै सरकारको निर्णय बमोजिम आगमन अनुमति पाएका व्यक्तिबाहेक अन्तर्राष्ट्रिय सीमा नाकामा हुने आवतजावतलाई कडाइका साथ निषेध गर्ने, कोभिड १९ को संक्रमणको जोखिमको विश्लेषण गरी जोखिम बढेको क्षेत्र/स्थानलाई जिल्ला कोभिड संकट व्यवस्थापन केन्द्र (डीसीसीएमसी) ले निर्णय गरी तुरुन्त बन्द गर्ने, कोभिड १९ को थप परीक्षणको व्यवस्था मिलाउने पनि मन्त्रालयको विज्ञप्तिमा उल्लेख छ ।

विज्ञप्ति

प्रकाशित : श्रावण २१, २०७७ २०:४०
प्रतिक्रिया
पठाउनुहोस्

धितोपत्र बोर्डलाई सूचना सच्याउन सगुनको अनुरोध

कान्तिपुर संवाददाता

काठमाडौँ — सगुनले नेपाल धितोपत्र बोर्डले साउन १४ मा प्रकाशन गरेको सूचना सच्चाउन अनुरोध गरेको छ ।

बोर्डले ‘बोर्डबाट स्वीकृति प्रँप्त नगरेका निष्कासन तथा योजनाहरुमा सहभागी नहुन सर्वसाधरण लगानीकर्ताहरुलाई जरुरी सूचना’ विषयमा सूचना प्रकाशन गरेको थियो ।

‘बोर्ड जस्तो जिम्मेवार निकायले विषयवस्तुको गम्भीरता नबुझी साउन १४ गते प्रकाशन गरेको सार्वजनिक सूचनालाई सच्याइयोस् भनी आग्रह गर्दछौं,’ सगुनले जारी गरेको विज्ञप्तिमा भनिएको छ, ‘यसै सिलसिलामा सगुनले बोर्डलाई स्पष्टीकरण निवेदनसमेत बुझाइसकेका छौं ।’ कम्पनीले नेपालमा नेपालीहरुलाई लक्ष्य गरी धितोपत्रको सार्वजनिक निष्कासन जारी गरेकोसम्बन्धी कुनै विषय विज्ञापन नगरेको सगुनले जनाएको छ ।

प्रकाशित : श्रावण २१, २०७७ २०:३४
पूरा पढ्नुहोस्
प्रतिक्रिया
पठाउनुहोस्
×