पौडेलले भेटे अनशन बसेका अभियन्तालाई

क्वारेन्टाइन व्यवस्थापन गर्नुपर्ने, पीसीआर परीक्षणको दायरा बढाउनुपर्ने लगायतका माग राख्दै अनसनमा बसेका अभियन्ताहरुलाई भेटेपछि पौडेलले भने- 'सामान्य तर जनताका अति आवश्यक मागहरु राखेर अनसनमा बसेका युवाहरुका कुरा नसुन्नु सरकारको अटेरीपन हो । यी मागहरुको सरकारले बेवास्ता गर्नु सरकारको चरम लापरबाही हो ।'

नेता पौडेलले देशको समस्याको मुख्य जड कमिसनतन्त्र र भ्रष्टाचारतन्त्रलाई उखेल्न सबै मिलेर कडा संघर्ष गर्नुपर्ने पनि बताए । असनसनरत अभियन्ताहरुसँग सरकारले असार २३ गते लिखित सहमति गरेको थियो । सहमति कार्यान्वयन नभएपछि उनीहरु फेरि अनसन बसेका हुन् ।