बागबजारबाट एक केजी सुनजस्तो पहेंलो धातु बरामद- समाचार - कान्तिपुर समाचार
कान्तिपुर वेबसाईट
AdvertisementAdvertisement

बागबजारबाट एक केजी सुनजस्तो पहेंलो धातु बरामद

मातृका दाहाल

काठमाडौँ — बागबजारबाट प्रहरीले सुनजस्तो देखिने एक केजी पहेंलो धातु बरामद गरेको छ । महानगरीय प्रहरी कार्यालयकी एसएसपी किरण बज्राचार्यका अनुसार उमेश श्रेष्ठको डेराबाट यो धातु बरामद गरिएको हो । उमेशलाई पनि प्रहरीले नियन्त्रणमा लिएको छ ।

बज्राचार्यका अनुसार उमेशले आफ्ना साथी प्रहरी जवान प्रसन्न श्रेष्ठले यो धातु राख्न दिएको बताएका छन् ।

मंगलबार कमलादीमा भेटिएको १५ किलो सुनजस्तै पहेंलो धातु प्रकणमा गलत सूचना दिएको भन्दै दरबारमार्ग वृत्तका घुमुवा प्रसन्न प्रहरी नियन्त्रणमा छन् । यो सुन हो कि होइन भन्ने अनुसन्धान भइरहेको बज्राचार्यले बताइन् ।

प्रकाशित : श्रावण १६, २०७७ १३:२४
प्रतिक्रिया
पठाउनुहोस्

घरमै बसेर इद मनाउन मुस्लिम आयोगको आग्रह

कान्तिपुर संवाददाता

काठमाडौँ — कोरोना भाइरस संक्रमणको जोखिम कायमै रहेको भन्दै मुस्लिम आयोगले घरमै बसेर इद उल अज्हा मनाउन आग्रह गरेको छ । शुक्रबार प्रेस विज्ञप्तिमार्फत आयोगका अध्यक्ष समिम मियाँ अन्सारीले शनिबार परेको इदको शुभकामना व्यक्त गर्दै घरमै नमाज पढेर इद उल अज्हा मनाउन आग्रह गरेका हुन् ।

‘इद उल अज्हाको नमाज पनि ५ जनासम्मले मस्जिदमा पढ्न पाउने र ओल्माहरु मुफ्तीहरु, नेपाली जामे मस्जिद पञ्च कश्मीरी ताकिया जामा मस्जिदका पदाधिकारीहरुको सल्लाहबमोजिम अन्य सबै आ–आफ्नो तरिकाअनुसार घरमै बसी नमाज पढी इद उल अज्हा मनाउन सम्बन्धित सबैमा अनुरोध गर्दछु,’ विज्ञप्तिमा लेखिएको छ ।


प्रकाशित : श्रावण १६, २०७७ १३:०६
पूरा पढ्नुहोस्
प्रतिक्रिया
पठाउनुहोस्
×