कान्तिपुर वेबसाईट
AdvertisementAdvertisement
२३.१२°C काठमाडौं
काठमाडौंमा वायुको गुणस्तर: १३४

वर्षाले घर भत्किँदा कालीकाेटमा दुई बालबालिकाको मृत्यु, ४ जना घाइते

तुलाराम पाण्डे

कालीकोट — अविरल वर्षाले घर भत्किँदा बुधबार बेलुकी महाबै–७ गेला कोटवाडामा दुई बालबालिकाको मृत्यु भएको छ । 

वर्षाले घर भत्किँदा घरमा खेलिरहेका स्थानीय सूर्ज महताराका १० वर्षीय छोरा गणेश र टेक भण्डारीका ५ वर्षीया छोरी भावनाको घटनास्थलमै मृत्यु भएको छ । आफन्तले मृतकको शव निकालेर बुधबारै अन्तिम संस्कार गरेका छन् ।

घर भत्किँदा घाइते भएका बालबालिकाहरु सुकी महतारा, मन्जु महतारा, संगीता भण्डारी र हिक्मत महताराको मान्मस्थित जिल्ला अस्पतालमा उपचार भइरहेको डिएसपी श्यामबाबु ओलियाले बताए । घाइते बालबालिकाको अवस्था सामान्य रहेको जिल्ला अस्पतालले जनाएको छ ।

मृतक र घाइते बालबालिकाका लागि नेकपा महाबै गाउँ कमिटीको पहलमा ५० हजार नगद राहत उपलब्ध गराइएको नेकपा नेता चित्रसिंह गाउँलेले बताए ।

कालीकोटमा हालसम्म पहिरोले मर्नेको संख्या १२ पुगेको छ भने ७ जना बेपत्ता छन् ।

याे पनि पढ्नुहाेस् :

प्रकाशित : श्रावण १५, २०७७ १२:२५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?