१६.१२°C काठमाडौं
काठमाडौंमा वायुको गुणस्तर: १५२

देउवाले गरे 'ज्येष्ठ राजनीतिज्ञ सभा'मा ४७९ जनालाई मनोनित

कान्तिपुर संवाददाता

काठमाडौँ — बरिष्ठ नेता रामचन्द्र पौडेल समूह पार्टीका विभागहरुमा भएका मनोनयनहरु विधानविपरित भएको भन्दै पार्टी केन्द्रीय कार्यालयमा बैठक गरिरहेका बेला सभापति शेरबहादुर देउवाले फेरि अर्को मनोनयन गरेका छन् । त्यो पनि एकैपटक ४७९ जनालाई । 

देउवाले गरे 'ज्येष्ठ राजनीतिज्ञ सभा'मा ४७९ जनालाई मनोनित

ज्येष्ठ राजनीतिज्ञ सभामा सभापति देउवाले नेपाली कांग्रेसको नियमावली २०७६ को नियम ५० बमोजिम सदस्य मनोनित गरेको केन्द्रीय कार्यालयका सचिवले जारी गरेको प्रेस विज्ञप्तिमा जनाइएको छ ।

यो सभामा मनोनित हुनेमा दुई पूर्व सभामुख दमननाथ ढुंगाना र तारानाथ रानाभाट पनि छन् । देउवाइतर समूहले विधानले ६ महिनामा गठन गर्नुपर्ने भनी तोकेका विभाग र समितिहरुमा देउवाले महाधिवेशनको कार्यतालिका सार्वजनिक भइसकेपछि मनोनयन गरेर महाधिवेशनलाई प्रभावित बनाउन खोजेको आरोप लगाएको छ ।

बुधबार बसेको बरिष्ठ नेता पौडेल र महामन्त्री सशांक कोइरालासहितको बैठकले सभापतिले विधान विपरित गरेका नियुक्ति र मनोनयनलगायतको विरोध उनलाई भेटेरै गर्ने निर्णय गरेको थियो ।

प्रकाशित : श्रावण १४, २०७७ १९:०५
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?