फुल्पिङकट्टी पहिरो : बेपत्ता सबैको शव फेला

उनीहरुमध्ये बुधबार दिउँसो सुमबुट्टी र सेमसङ्गको शव भेटिएको जिल्ला प्रहरी नायब उपरीक्षक माधवप्रसाद काफ्लेले बताए ।

‘गएको बिहीबार र पहिरो झरेको दिन गरी ३ जनाको शव फेला परिसकेको थियो, अहिले बाँकी दुईको पनि शव पुरिएको अवस्थामा फेला परेको छ,’ उनले भने । सशस्त्र, नेपाली सेनासहित अन्य सुरक्षाकर्मी जनप्रतिनिधि, स्थानीयसँग मिलेर बेपत्ताको खोजी जारी थियो ।

पहिरोले स्थानीय पञ्चकन्या आधारभूत विद्यालयमा क्षति पुगेको छ भने ६० परिवार विस्थापित भएका छन् । स्थानीय नोर्साङ शेर्पाले भने- ‘तल भोटेकोसी बाढीको कटान, माथि पहिरो हामी कहाँ जाने ?,’