थप ३११ जनामा कोरोना संक्रमण, संक्रमितको संख्या १९ हजार नाघ्यो

कान्तिपुर संवाददाता

काठमाडौँ — नेपालमा थप ३११ कोरोना संक्रमित थपिएका छन् । स्वास्थ्य तथा जनसंख्या मन्त्रालयको मंगलबार आयोजित पत्रकार सम्मेलनमा प्रवक्ता डा जागेश्वर गौतमले पछिल्लो २४ घन्टामा ३११ जना संक्रमित थपिएको जनाएका हुन् ।

यो सँगै नेपालमा संक्रमितको संख्या १९ हजार ६३ पुगेको छ ।

गत २४ घन्टामा १२१ डिस्चार्ज भएका छन् । यो सँगै १३ हजार ८७५ जना कोरोना संक्रमणमुक्त भएर घर फर्किएका छन् । अहिलेसम्म ७२.७ प्रतिशत निको भएर घर फर्किएका छन् ।

क्वारेन्टाइनमा १५ हजार ३३१ र आइसोलेसनमा ५ हजार १ सय २९ जना रहेको प्रवक्ता गौतमले बताए ।

नयाँ संक्रमितको जिल्लागत तथ्यांक







प्रकाशित : श्रावण १३, २०७७ १६:२५
प्रतिक्रिया
पठाउनुहोस्

कालीकोटमा पहिरोमा परी एकै परिवारका ५ सहित ७ बेपत्ता

तुलाराम पाण्डे

कालीकोट — सोमबार रातिको अविरल वर्षासँगै पहिरो खस्दा रास्कोट नगरपालिका-१ बम्हतोलमा एकै परिवारका ५ जना बेपत्ता भएका छन् ।

स्थानीय जयबहादुर शाहीको घरमाथिबाट खसेको पहिरोले उनीसहित ५ जनालाई बेपत्ता बनाएको हो । यस्तै, नरहरिनाथ-८ लालुमा एक किशोर र टाकुल्ला खोलाले बगाउँदा एक वृद्धा बेपत्ता भएकी छन् । रास्कोट-१ का टेक टमटाको घर भत्किदा छिमेकी एक किशोरीको च्यापिएर मृत्यु भएको प्रहरीले जनाएको छ ।

जिल्ला प्रहरी प्रमुख डीएसपी श्यामबाबु ओलीकाअनुसार अविरल वर्षाले रास्कोट १ बम्हतोलामा खोलाको पानी बस्तीमा पस्दा घरमा सुतिरहेका ५० वर्षीय जयबहादुर शाही, उनकी १५ वर्षीया छोरी संगीता, १२ वर्षीया कोशी, ८ वर्षीय छोरा नवीन र पाहुना आएकी १५ वर्षीया भदैनी अस्मिता शाही पहिरोमा बेपत्ता छन् ।

त्यस्तै, रास्कोट १ पोतमारास्थित टेक टमटाको घर भत्किदा छिमेकी घरकी १५ वर्षीया बेलपुरा शाहीको मृत्यु भएको छ । टेककी पत्नी मयसरा र छोरी यशोदा घाइते भएका छन् । त्यस्तै, नरहरिनाथ ८ लालुस्थित निर्माणधीन सडकमा हिड्दै गर्दा पहिरो खस्दा १६ वर्षीय पारस भण्डारी पनि बेपत्ता छन् ।

पानी नरोकिउकोले बेपत्ताको खोजी सुरु हुन सकेको छैन । रास्कोट र मुम्रा प्रहरी चोकीबाट विहानै प्रहरी घटनास्थलतर्फ पठाइए पनि बाटोमाठाउ ठाउँमा पहिरो खसिरहेकाले घटनास्थल पुग्‍न कठिनाई भएको डीएसपी ओलीले बताए । प्रहरी टोली अझै पुग्न सकेको छैन ।

प्रकाशित : श्रावण १३, २०७७ १६:१७
पूरा पढ्नुहोस्
प्रतिक्रिया
पठाउनुहोस्
×