मरासिनी सचिवमा बढुवा

बढुवा सिफारिस समितिले केही दिनअघि वरिष्ठ सहसचिवहरु चन्द्रमान श्रेष्ठ, गोकर्णमणि दुवाडी र मरासिनी गरी तीन जनाको नाम सचिवका लागि सिफारिस गरेको थियो । उक्त सूचीमा मरासिनीको नाम तेस्रो स्थानमा थियो ।

केही अघिसम्म पहिलो नम्बरमा सिफारिस भएकालाई सचिवमा बढुवा गर्ने गरे पनि पछिल्लो समय मन्त्रिपरिषद्ले क्रमसंख्याभन्दा बाहिर गएर पनि सचिव बनाउने गरेको छ । कर्णाली प्रदेशमा प्रमुख सचिव रिक्त छ ।

मरासिनीलाई उक्त स्थानमा पदस्थापना गरिने सम्भावना रहेको मन्त्रिपरिषद् सचिवालयले जानकारी दिएको छ ।