कान्तिपुर वेबसाईट
AdvertisementAdvertisement
२४.१२°C काठमाडौं
काठमाडौंमा वायुको गुणस्तर: १३४

बाजुरामा बाढीले पक्की पुल बगायो

मेनुका ढुंगाना

अछाम — साँफे-मार्तडी सडक अन्तर्गत बुढिगंगा नगरपालिकाको ताप्रीसेरामा अवस्थित पक्की पुल बाढीले बगाएको छ । जिल्ला भित्रिने मुख्य सडक अवरुद्ध भएपछि बाजुरा जिल्लामा यातायात सेवा ठप्प भएको छ ।

बाजुरामा बाढीले पक्की पुल बगायो

बाजुराका प्रमुख जिल्ला अधिकारी कृष्ण गैरेका अनुसार आइतबार राति परेको अविरल वर्षासँगै घट्टेखोलामा बाढी आउँदा सो पुल बगाएर बुढिगंगा नदीमा मिसिएको हो ।

पहिरो गएको क्षेत्रमा खानेपानीको समस्या निम्तिएको गैरेले बताए । उनका अनुसार ताप्रीसेरा माथिका बजेडी र नडाङ गाउँ पहिरोको जोखिममा परेका छन् । 'यातायात ठप्प भएको छ । सुरक्षाकर्मी, रेडक्रसको टोली र जनप्रतिनिधि घटनास्थल पुगेका छन्,' उनले भने,'उच्च जोखिममा रहेका बजेडीका पाँच परिवारलाई आफन्तकोमा राखिएको छ ।'

'मार्तडीबाट सरोकारवालाको टोली हिँडेरै घटनास्थल पुगेको हो,' उनले भने,'अम्कोटदेखि मार्तडीसम्म १० भन्दा बढी ठाउँमा पहिरो गएको छ।' ताप्रीसेरासँगै जोडिएको अमकोट-द्वारीमा यसअघि नै पहिरो खसेको थियो ।

एक सातादेखि अवरुद्ध बाजुराको साफेँ-मार्तडी सडक खण्डको काम मंगलबारदेखि सुरु भएको छ । अविरल वर्षासँगै पहिरोले बुढीगंगा नगरपालिकाको अम्कोटमा सडक भाँसिदा सडक अवरुद्ध भएको थियो ।

प्रकाशित : श्रावण ६, २०७७ १४:३४
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?