तीन दिनपछि खुल्यो पहिरोले थुनिएको सिद्धार्थ राजमार्ग

दोभान बजारदेखि सय मिटरनजिकै ठूलो ढुंगासहित खसेको पहिरो पन्छाइएपछि सडकमा एकतर्फी सवारीसाधन चलाइएको जिल्ला ट्राफिक प्रहरी प्रमुख पृथ्वीनारायण काफ्लेले जानकारी दिए । डोजर, एक्स्काभेटर र ब्रेकर प्रयोग गरेर ढुंगा फुटाइएपछि सडक खुलेको हो ।

सडक अवरुद्ध हुँदा रुपन्देही र पाल्पातर्फबाट आएका सवारीसाधन दोभान, भूतखोलातर्फ नै रोकिएका थिए । त्यस्तै रुपन्देहीतर्फबाट आएका सवारीसाधन सिद्धबाबामा रोकिएको थियो । दोभान प्रहरी चौकी प्रमुख सोमबहादुर सारुमगरले सडक खुलेसँगै सवारी साधनलाई गन्तव्यतर्फ पठाइएको बताए ।