ओली-दाहाल दुई घन्टा छलफल, निस्किएन निष्कर्ष

दुवै नेताबीच भएको छलफलबाट कुनै निष्कर्ष ननिस्किएको दाहालका प्रेस संयोजक बिष्णु सापकोटाले बताए ।

असार १० गतेदेखि चलिरहेको स्थायी कमिटी बैठक २६ गतेसम्मका लागि स्थगित गरेर ओली र दाहाल छलफलमा जुटेका थिए ।

पार्टी अध्यक्ष र सरकारको नेतृत्वबाट राजीनामा गर्न स्थायी कमिटी सदस्यहरूले माग गरेका थिए । सचिवालयका सदस्यहरूले पनि सोही माग दोहोर्‍याएका थिए । त्यसपछि अध्यक्ष तथा प्रधानमन्त्री ओलीले दुवै अध्यक्ष बसेर छलफलबाट समाधान निकाल्नुपर्ने नभए पार्टी विभाजन हुने बताएका थिए ।

स्थायी कमिटी बैठक चलिरहेका बेला संसद् अधिवेशन अन्त्य गरेपछि नेकपाभित्रको विवाद झन् चुलिएको थियो ।