कोरोना संक्रमितको संख्या १६ हजार नाघ्यो- समाचार - कान्तिपुर समाचार
कान्तिपुर वेबसाईट
AdvertisementAdvertisement

कोरोना संक्रमितको संख्या १६ हजार नाघ्यो

कान्तिपुर संवाददाता

काठमाडौँ — नेपालमा कोरोना भाइरस संक्रमितको संख्या १६ हजार नाघेको छ । गएको २४ घन्टामा २०४ जनामा कोरोना पुष्टि भएसँगै संक्रमितको संख्या १६ हजार १६८ पुगेको बुधबार स्वास्थ्य तथा जनसंख्या मन्त्रालयले गरेको नियमित प्रेस ब्रिफिङमा प्रवक्ता जागेश्वर गौतमले जानकारी दिएका हुन् ।

गएको २४ घन्टामा आरटी पीसीआर टेस्ट ६ हजार १३३ जनाको परीक्षण गरिएको छ । हालसम्म २ लाख ६१ हजार ८६१ जनाको पीसीआर भएको प्रवक्ता गौतमले जानकारी दिए । उनका अनुसार क्वारेन्टाइनमा रहनेको संख्या २५ हजार ७२७ र आइसोलेसनमा रहनेको संख्या ८ हजार ६३४ जना रहेको छ ।

नयाँ संक्रमित हुनेहरुको जिल्लागत विवरण

बाजुरा ५४

काठमाडौं १४

अछाम ११

बैतडी ११

ललितपुर १०

महोत्तरी ९

धनुषा ८

अर्घाखाँची ८

डोटी ७

मोरङ ६

डडेलधुरा ६

रुकुम पश्चिम ५

नवलपरासी पश्चिम ५

सल्यान ५

सप्तरी ४

भक्तपुर ४

सुनसरी ३

गोरखा ३

मकवानपुर ३

सर्लाही ३

सुर्खेत ३

दाङ ३

तनहुँ २

पाल्पा २

बर्दिया २

झापा १

सिन्धुली १

धादिङ १

कास्की १

लमजुङ १

नुवाकोट १

पर्सा १

रामेछाप १

रुपन्देही १

बागलुङ १

कपिलवस्तु १

रुकुम पूर्व १

प्रकाशित : असार २३, २०७७ १६:२७
प्रतिक्रिया
पठाउनुहोस्

म्यानपावर व्यवसायी गुरुङ वैदेशिक रोजगार बोर्डमा नबस्ने

कान्तिपुर संवाददाता

काठमाडौँ — म्यानपावर व्यवसायी हेमबहादुर गुरुङले वैदेशिक रोजगार बोर्डको सदस्यमा नबस्‍ने बताएका छन् । श्रम, रोजगार तथा सामाजिक सुरक्षा मन्त्री रामेश्वर राय यादवको असार १८ गतेको निर्णयानुसार गुरुङलाई बोर्ड सदस्यको रुपमा दोस्रो पटक नियुक्त गरेको थियो ।

उनले कोभिडको कारण वैदेशिक रोजगारको क्षेत्रमा जटिलता देखिएको र व्यक्तिगत अस्वस्थताको कारणले सदस्य पदमा रहेर काम गर्न असमर्थ रहेको भन्दै श्रम मन्त्रालयलाई पत्र बुझाएका हुन् ।

श्रममन्त्रीको अध्यक्षतामा रहने बोर्डमा राष्ट्रिय योजना आयोगको सदस्य, श्रम सचिव, गृह, परराष्ट्र, अर्थ, कानुन, न्याय तथा संसदीय मामिला, महिला, बालबालिका तथा समाज कल्याण मन्त्रालयका सचिव वा प्रथम श्रेणीको प्रतिनिधि, वैदेशिक रोजगार विभागका महानिर्देशक, स्वास्थ्यकर्मी, म्यानपावर व्यवसायी, ट्रेड युनियन, नेपाल उद्योग वाणिज्य संघ लगायतको प्रतिनिधि रहने व्यवस्था छ ।चार महिनायता बोर्डको बैठक बस्‍न नसक्दा काम प्रभावित भएको छ ।

वैदेशिक रोजगार ऐनमा ‘वैदेशिक रोजगार व्यवसायलाई प्रवर्द्धन गर्ने, सो व्यवसायलाई सुरक्षित, व्यवस्थित र मर्यादित बनाउन तथा वैदेशिक रोजगारमा जाने कामदार र वैदेशिक रोजगार व्यवसायीको हकहितको संरक्षण गर्न आवश्यक कार्य गर्ने प्रयोजन समेतको लागि वैदेशिक रोजगार बोर्डको गठन’को व्यवस्था गरेको छ ।

प्रकाशित : असार २३, २०७७ १५:४३
पूरा पढ्नुहोस्
प्रतिक्रिया
पठाउनुहोस्
×